VOV4.M’nông – Ta rơh ntơm ƀư rơh rƀŭn tal 11, Quốc hội khóa 14, Tổng Bí thư-Kruanh dak Nguyễn Phú Trọng lĕ mbơh trong kan năm kan 2016-2021 bah Kruanh dak. Ngoay tâm âk nău kan bah năm kan bah năp lah uănh tay âk nuĭh kan gưl prêh bah Ngih dak. Kruanh dak lĕ ký ntrŭnh săch 5 groi thủ tướng, 21 Kruanh n’gâng kan n’hanh ăp nuĭh êng bah chính phủ năm kan 2016-2021. Tổng Bí thư, Kruanh dak Nguyễn Phú Trọng lĕ geh âk nău ƀư tâm nchră khlay, mât nâp nău ƀư tơm neh dak, n’hao dơi nsing nơm bah Việt Nam tâm nkual n’hanh ta lam ntŭr neh.

Tổng Bí thư-Kruanh dak Nguyễn Phú Trọng

Tổng Bí thư, Kruanh dak Nguyễn Phú Trọng lah rjăp, nău rdâk hao têh dăng nuih n’hâm rŏng dak, nău mĭn hao êng rnoi mpôl, soan dăng tâm rnglăp lam rnoi mpôl n’hanh hun hao neh dak, uĕh lăng lah nău nti khlay. Năm tât, an pơk hvi, hun hao n’hao tâm boh tâm rnglăp, nta an nsing nơm chính trị đăp mpăn, nâp nâl đah ăp dak bah dih; mkra di, săk rnglăy tâm boh đah ăp dak kiău ma, ăp dak têh, ăp nuĭh kan ndrel, kan ndrel lĕ rngoch n’hanh ăp nuĭh êng, mât ntŭk tâm tâm rnglăp đăp mpăn an hun hao neh dak.

Nuĭh răk rblang: Y Sưng Phê Ja