VOV4. M’nông: Ôi ntri (17/3), ta nhih pah kan Kruanh dak, Đại sứ Panama Eligio Alberto Salas De Leon, Đại sứ Singapore Jaya Ratnam, Đại sứ Indonesia Denny Abdi hŏ ndơ̆ si ƀŭt neh dak hao Tổng Bí thư, Kruanh dak Nguyễn Phú Trọng. Lôch ndơ̆ rblang si ƀŭt neh dak, Tổng Bí thư, Kruanh dak Nguyễn Phú Trọng hŏ wơt ăp Đại sứ.

  Ta rơh wơt, Tổng Bí thư, Kruanh dak nsing nơm đah nău tă ơm gĭt kan, nău gĭt blău n’hanh nău wât jru mpeh Việt Nam, ăp Đại sứ mbra lôch jêh uĕh nău kan têh khlay bah he, ntrŭt ntrôl tâm boh tâm rnglăp đah Việt Nam n’hanh ăp dak ma ăp nuĭh Đại sứ lah ntơh măt. Tổng Bí thư, Kruanh dak an gĭt, Việt Nam mhe ƀư geh nău dơi Đại hội Đảng lam dak tâl 13. Lơn lah mpeh tâm boh dak bah dih, Đại hội 13 lah rjăp Việt Nam mbra tĭng ƀư tay mô rgâl gung trong tâm boh dak bah dih đăp mpăn, ƀư tơm êng, mô geh tâm lơh tâm su, tâm rnglăp, tâm boh n’hanh hun hao, âk ntil, âk ding trong tâm boh dak bah dih; lor nchrăp n’hanh lăp rgum dak bah dih lam lĕ rngôch, jru hvi; ntrôl dăng n’hanh ƀư jru uĕh lơn tâm boh bar ding đah ăp dak băl, tâm nê geh ăp dak ma ăp nuĭh Đại sứ lah ntơh măt./.

Nuĭh rblang: Điểu Thân