VOV4.Mnông – Dơi gĭt nu nău srê Covid-19 ta Campuchia ntoh tay, Tổng Bí thư Ban chấp hành Trung ương Đảng he Nguyễn Phú Trọng lĕ geh điện ôp khâl njuăl Xăm-đéc Tê-chô Hun Xen, Kruanh Đảng Nhân dân Campuchia, Thủ tướng Chính phủ dak Campuchia. Ndơn măt Đảng, Ngih dak, nuĭh ƀon lan Việt Nam, Tổng Bí thư Nguyễn Phú Trọng njuăl tât Xăm-đéc Tê-chô n’hanh ăp nuĭh kruanh Đảng nhân dân Campuchia, Ngih dak n’hanh nuĭh ƀon lan Campuchia ăp nău rŏng đồng chí oh nô n’hanh nău ôp khâl ngăn ngên đah ăp nău khuch yor srê Covid-19 ƀư ta Campuchia. Đah nău way ơm tâm rnglăp, dăch dêh tâm yô̆, tâm kơl ndrel đah 2 Đảng, 2 ngih dak n’hanh nuĭh ƀon lan 2 dak, Việt Nam nchrăp kan ndrel, ntop kơl, tâm pă nău blău ơm tâm dơi geh n’hanh nta an gay hăn ndrel đah Campuchia tâm nău rchăng n’gang srê Covid-19, gay 2 dak he ơm đăp mpăn nu nău.

Nuĭh rblang: Y Sưng Phê Ja