VOV4.M’nông – Tổng thống Afghanstan Mohammad Ashraf Ghani mhe geh rơh tâm nchră đah Kruanh n’gâng kan mât njrăng bri dak Mỹ Lloyd Austin ta thủ đô Kabul. Jêh rơh rƀŭn, Văn phòng Tổng thống Ghani an gĭt, 2 ding nkoch klach rvê mpeh nău dôl geh ta Asfghanistan n’hanh lah rjăp trong mkra bôk năp an nu nău aƀaơ dơi geh du trong đăp mpăn tâm ban n’hanh jŏ jong. Ta rơh mâp, Kruanh n’gâng kan mât njrăng bri dak Lloyd Austin mbơh, Mỹ nchrăp kan ndrel đah Afghanistan gay dơi geh đăp mpăn ta dak aơ. Mpeh đah nơm Tổng thống Ghani an gĭt, lĕ geh nmău tâm ban ŭch ta lĕ rngôch ăp gưl tâm dak Afghanistan đah trong đăp mpăn, chính phủ mbra dŏng uĕh nău tâm ban n’hanh ăp nău lĕ dơi geh gay nsit tay đăp mpăn an nuĭh ƀon lan.

Nuĭh rblang: Y Sưng Phê Ja