VOV4.M’nông – Nar 9/5, tĭng ngih pah kan báo chí bah Tổng thống Belarus A.Lukashenko, nuĭh kruanh bah dak cộng hòa aơ lĕ ký sắc lệnh “mpeh mât njrăng ƀư tơm n’hanh trong ƀư hiến pháp”, tâm nĕ nău ntrŭnh an rgâl jao nău dơi bah tổng thống an Hội đồng Rnă njrăng tâm nău nuĭh kruanh ngih dak khĭt. Tâm sắc lệnh nkoch kloh: Sam ƀŭt ntrŭnh tâm nău nuĭh kruanh ngih dak khĭt yor du nău nkhĭt ntŭng, ƀư tĭng nău ƀư rŭng răng, rŭn in tă bah dih mô lah ăp nău ƀư tâm lơh êng, lĕ rngôch ăp ngih pah kan ngih dak n’hanh ăp kruanh bah ăp ntŭk kan aơ mbra ƀư tĭng ăp nău ntrŭnh bah Hội đồng rnă njrăng, ta ăp rơh rƀŭn yor Thủ tướng ƀư tơm.

Nuĭh răk rblang: Y Sưng Phê Ja