VOV4.Mnông- Tổng thống Mỹ Joe Biden mhe ký njêng luật rnoh ndơ dŏng ntung trong đah rnoh khlăy 1.200 rbăn rmen đôlar. Ntoh ngơi ta năp ăp nghị sĩ, nuĭh kan têh gâl tiểu bang n’hanh nkuăl ƀon têh bâh lĕ bar đảng ta Nhà trắng ta kêng măng nar 15/11, Tổng thống Biden lah na nê̆ nău nchrăp luật ma păng nchrăp ký ntrŭnh lah nău an saơ bôl ma geh ăp nău ntôn, ăp nuĭh kan ndrel bâh đảng Dân chủ n’hanh đảng Cộng hòa mbra dơi tâm kơl kan ndrel n’hanh nsĭt tay nău geh na nê̆ an nuĭh ƀon lan Mỹ. Tổng thống Biden nkre lah na nê̆ ăp nău dơi geh sŏng dăng ma nuĭh Mỹ mbra geh gĭt dơn bâh luật aơ, an lah dak Mỹ dôl ntơm rgâl săk sơm tay n’hanh nău rêh ƀon lan ta aơ mbra rgâl tĭng trong ueh lơn. Aơ lah du gâl bâh ntrong kan mbơh tơih têh hvi ma wa Biden mbra geh ƀư tâm ăp pơh tât tay n’hanh ăp khay tât tay, ta năp rơh săch kruanh đah năm kan 2022.

Nuĭh rblang: Thị Đoắt