VOV4.M’nông: Tổng thống Iran Ebrahim Raeisi lơ 21/6 kuăl jă N’gâng kan Tổng thống Mỹ Joe Biden ƀư ăp nau ton bah nơm tâm nau nchrăp nau kan ndrak nsiu năm 2015. Rnôk geh ôp mpeh nau mra ƀư nau tâm mâp đah Tổng thống Joe Biden tâm rơh mhe, wa Ebrahim Raeisi hŏ lah rjăp nau mô geh nau nchrăp aơ. Yơn, Iran hôm mât nau tâm nchră ân ueh mpeh nau ndâk tay nau nchrăp ndrak nsiu năm 2015 ndrel leo nau dăch dŭt jêh rnôk Mỹ rơih jăng lơi nau mhal. Mpeh nau kan tâm nchră, Tổng thống Iran lah rjăp êng nau kơl an nau tâm boh đah ăp dak tâm dăch Ả rập nkuăl njônh, Iran mra nsôih pơk nau tâm boh đah Trung Quốc tâm âk nau kan./.

Nŭih rblang: H’Thi