VOV4.M’nông – Nar aơ (17/9), Tổng thống Mỹ Joe Biden ntơm rơh rƀŭn tâm nchră mpeh trôk nar duh nđik đah ăp kruanh lam ntŭr neh, gay ntrôl tâm ton dăng lơn mpeh koh n’hŭch n’hôl ƀô ta lam ntŭr neh. Rơh rƀŭn ƀư pơk sŏng dăng, nău lor bôk năp an rƀŭn nchră gưl prêh mpeh trôk nar duh nđik bah Liên hợp quốc tâm khay 11 tât. Ăp kruanh dak Mỹ uănh rơh rƀŭn aơ lah di an ăp nuĭh kruanh lam ntŭr neh tâm rgâl mpeh ăp nău ƀư na nê̆ gay koh n’hŭch duh play neh n’hanh ntop kơl an ăp dak ach o rdâng đah rgâl trôk nar. Tổng thống Mỹ n’hao ôp lam ntŭr neh mpeh nău koh n’hŭch duh play neh n’hanh dôl ntrôl ntuh kơl tâm ăp trong mkra ntŭk ntô gŭ âm kơt ndâk njêng ntŭk sạc pil an ndeh điện. Tâm nar 20/9, Tổng thư ký Liên hợp quốc Antonyo Guterrest n’ahnh Thủ tướng Anh Borris Jonhson mbra ƀư tơm du rơh rƀŭn êng, đah tât râng bah 35 tât 40 nuĭh kruanh lam ntŭr neh gay tâm nchră mpeh nău trôk nar duh nđik.

Nuĭh rblang: Y Sưng Phê Ja