VOV4. M’nông: Nar 24/3, Kruanh Hội đồng châu Âu Charles Michel mbơh hŏ jă Tổng thống Mỹ Joe Biden râng tâm nchră gưl têh bah Liên minh châu Âu (EU) gay tâm nkoch nău mĭn mpeh tâm boh bar ding tâm let năp tay. Nău dja dơi uănh kơt du trong dơh gay EU n'hanh Mỹ rdâk njêng tay băl mpôl rloh rlău Đại Tây Dương ơm geh hŭch hêng ta rơh n'gâng kan bah Tổng thống Donald Trump. Tâm nchră gưl têh EU rơh dja, ƀư tâm bar nar 25- 26/3, hôm ƀư tĭng trong pơk sŏng dăng đŏng tâm rnôk nuh srê COVID-19 dôl ntoh hô ta ăp dak châu Âu. Aơ lah ngoăy tâm ăp nkô̆ ma ăp kruanh EU mbra tâm nchră, bah meng du đêt nkô̆ nău êng ƀa ƀă kơt tâm boh đah Thổ Nhĩ Kỳ n'hanh Nga. Tổng thống Mỹ Biden mbơh râng tâm nchră dja. Đah EU, nău plơ̆ njêng tay tâm boh rloh rlău Đại Tây Dương đah Mỹ hŏ jêng an ƀư lor bôk năp lôch rnôk đảng Dân chủ bah wa Biden geh nău dơi tâm rơh bầu cử Mỹ rnôk năm e nơh./.

Nuĭh rblang: Điểu Thân