VOV4.M’nông: Thư ký báo chí bah Tổng thống Nga Dmitri Peskov mbơh, rơh rƀŭn têh bah Tổng thống Putin mra geh ƀư tâm lơ 23/11, tĭng nau kan dŏng. Rđau kan Nga mra mâp ăp nŭih nchih nkoch mbơh nau mhe. Khân păng mra dah ma ôp ăp nau ôp đah ăp rdau kan neh dak kơt nau vay. Yơn lah, yor ăp nau ê geh dơi ngăn tă bah srê Covid-19, ri ma nchrăp rnoh nŭih tât nkoch mbơh nau mhe, ăp nŭih geh tât ngăn tâm ntŭk kan geh ân mbơh lor lah rnoh 500 nŭih. Tĭng wa Peskov, ăp ntŭk nkoch mơh nau mhe bah liên bang, ăp nŭih pah kan tâm bôk nau ƀư kan bah Tổng thống, ndrel ăp ntŭk nkoch mbơh nau mhe tâm dak ba dih mre geh jă tât. Êng nê, ăp ntŭk nkoch mbơh nau mhe bah nkuăl mra geh bu jă mbơh bah ăp ntŭk kan gŭ ntoh măt kan tâm nkuăl liên bang. Ntŭk ƀư kan bah Tổng thống Nga mra ntrŭnh nau săch ntŭk gay ma rƀŭn tă bah Ntŭk ƀư nau kan bah lam ntur neh ơm bah nơm jêng ƀư nau kan mpla n’hơ ndoh ndơ tma ntŭk ƀư kan Manezh./.

Nŭih rblang: H’Thi