VOV4.M'nông: Nar 29/9, Tổng thống Nga Vladimir Putin n'hanh Thổ Nhĩ Kỳ Tayip Erdogan hŏ tâm mâp ta nkual ƀon têh Sochi (Nga). Tâm rlău 3 mông, kruanh rđău kan bar dak hŏ tâm nchră mpeh ăp nkô̆ nău wăng sa, tâm boh bar ding, tâm ban kơt nô nău ta Afghanistan, Syria, Libya n'hanh Nagorno-Karabakh. Tổng thống Nga V.Putin mpơl nău rhơn rnôk năl saơ lah, ăp tâm boh đah Nga n'hanh Thổ Nhĩ Kỳ dôl hun hao n'hanh hun hao uĕh. Kruanh rđău kan Nga lah rjăp, năm e nơh nsĭt geh tăch rgâl đah bar dak hŭch rlău 20%, n'hanh năm aơ, dơn tâm 9 khay hŏ hao rlău 55%, jêng lah, mô dơn trok an lĕ rngôch ăp ntĭl hŏ roh tâm năm nuh srê, ma hôm hao rlău 30%. Ăp rnoh rgum ntuh kơl bah Thổ Nhĩ Kỳ tâm jâng wăng sa Nga lah 1,5 rmen đôlar n'hanh ăp rnoh ntuh kơl bah Nga tâm jâng wăng sa Thổ Nhĩ Kỳ lah 6,5 rmen đôlar. Ăp trong nchrăp kan têh dơi an ƀư, ăp ntil ƀư tĭng di trong nchrăp da dê./.

Nuĭh rblang: Điểu Thân