VOV4.M’nông: Bah năp năm mhe 2022, Tổng thống Nga Vladimir Putin hŏ njoăl điện rhơn năm mhe tât du đê̆ rđau kan dak ba dih, tâm nê geh rđau kan Đảng ndrel Ngih dak Việt Nam. Rđau kan Nga hŏ njoăl nau rhơn di rnôk tât năm mhe 2022, kŏ kơt lah Tết vay ơm tât Tổng Bí thư Rnâng kan rđau kan Trung ương Đảng Cộng sản Việt Nam Nguyễn Phú Trọng ndrel Kruanh dak Việt Nam Nguyễn Xuân Phúc. Tâm nau mbơh bah nơm, Tổng thống Nga Vladimir Putin lah rjăp lah, nau tâm boh kan nsum ăp ntil bah Liên bang Nga-Việt Nam dôl tâm rnôk prêh ndrel ntoh nau rnơm lah, đah ăp nau nsôih nsum bah Nga ndrel Việt Nam mra đăp mpăn nau hun hao lơn tay bah nau tâm boh bar ding săk tam tâm âk nau kan, tâm boh geh nau ndâk njêng tâm ăp nau kan bah nkuăl, tŏng dơi ăp nau geh jêng bah ƀon lan bar dak, tâm ban ma nau kan ƀư nâp nau rna ửnăng, đăp mpăn ndrel nâp nâl tâm nkuăl Châu Á-Thái Bình Dương./.

Nŭih rblang: H’Thi