VOV4.M’nông: Kêng măng 26/7, Tổng thống Philippines, Rodrigo Duterte hŏ răk si ƀŭt gưl neh dak way ăp năm tâl 6 n'hanh nău lah n'glĕ dŭt tâm năm kan bah he lam lĕ rngôch bah năp Quốc hội. Văn phòng Tổng thống Philippines an gĭt, nău răk si ƀŭt gưl neh dak n'glĕ dŭt bah Tổng thống geh nkô̆ "Drăp ndơ ntlơi an tay bah nău rgâl" rgum nchih ăp nău dơi bah n'gâng kan Tổng thống Duterte tâm 5 năm aơ. Bah meng rgum nkoch tay ăp nău dơi tâm 5 năm hao mât bôk kan, Tổng thống Duterte nđơn nkoch tay ăp trong nchrăp hun hao bah neh dak đŏng, ăp bôk nău kan lam rêh jêng kon nuĭh n'hanh ntŭk ntô ndơ dŏng, mât nău đăp mpăn n'hanh rnă njrăng tâm ban kơt trong kơl tâm boh dak bah dih dơi mpŏng mbra nuĭh nđơn kan tay bah kơi, lơn lah tâm pah kan njrăng n'gang nuh srê Covid-19 kơt trong an ƀư chuh n'gang. Cảnh sát neh dak Philippines hŏ n'hao 15.000 cảnh sát ta nkual đô thị Manila gay mât njrăng ta rơh lễ./.

Nuĭh rblang: Điểu Thân