VOV4.M’nông: Tổng thư ký Liên hợp quốc Antonio Guterres mhe kuăl jă n'gâng kan bah Tổng thống Mỹ Joe Biden ntlơi lĕ rngôch ăp trong rmal đah Iran tĭng nău tâm ton hạt nhân Iran 2015. Tâm du nău mbơh njuăl tât Hội đồng Bảo an Liên hợp quốc, Tổng thư ký Liên hợp quốc lah rjăp, nău rdâk tay tâm ton hạt nhân n'hanh ntlơi nău ntrŭnh rmal đah Iran lah trong gay đăp mpăn bôk nău kan hạt nhân Iran hôm dơi mât du trong đăp mpăn đŏng. Tĭng trong nchrăp, tâm nar 30/6 (tĭng mông Mỹ), 15 dak lăp kan nsum Hội đồng Bảo an tâm nchră mpeh si ƀŭt mbơh 6 khay bôk năm mpeh nău tĭng ƀư nău tâm ton hạt nhân 2015. Tâm ton hạt nhân Iran gay mpăng bôk nău kan hạt nhân bah Iran, rgâl tay ăp dak ntlơi ăp trong rmal đah neh dak Hồi giáo.

Nuĭh rblang: Điểu Thân