VOV4.M’nông: Ntŭk nkoch mbơh nau Ngih dak Triều Tiên (KCNA) lơ 29/9 ndơ̆ nau, Triều Tiên mhe pănh phao ŭnh dŭt n’hâm ngăch mhe nkra, tâm ăp ntil ndrak nsiu phao bleo mhe ngăn ma Ngih dak aơ dôl ma rlong nkra. Phao ŭnh ngăch nê lah “ndơ dŏng kan” bah Triều Tiên. Tahen Hàn Quốc mbơh Triều Tiên hŏ pănh phao ŭnh ngăch ngăn tă bah neh tât tâm mpeh dak lêng mpeh ba dâng gôl dak Triều Tiên tâm lơ 28/9. Ntŭk nkoch mbơh nau Ngih dak Triều Tiên ân gĭt, nau nkra bah ntrong phao ŭnh aơ mra kơl an n’hao nau njrăng rdâng bah Triều Tiên. Mô geh tâm kơt ma phao ŭnh ndrak nsiu êng, phao ŭnh ngăch aơ mra mpăr tât ntŭk nchrŏng ngăch rlau 5 tŏ rđil đah nau tăng nteh-tâm ban nklăp 6.200km/h. Nau rlong phao ŭnh kŏ ân saơ Triều Tiên dôl râng nau rlong ndrak nsiu ngăch ndrel ma Mỹ, Nga ndrel Trung Quốc gay ntrŭnh ƀư ntil ndrak nsiu mhe aơ./.

Nŭih rblang: H’Thi