VOV4.M'nông: Triều Tiên mbra hop Hội đồng nhân dân gưl têh (Quốc hội) tâm nar 6/2 năm bah kơi tay gay tâm nchră mpeh ngân sách chính phủ n'hanh ăp nkô̆ nău êng ƀa ƀă. Nău n'glêh an dơi ndơ̆ luh nar 14/12 ta rơh hop rgum lam lĕ rngôch bah Ủy ban thường vụ Quốc hội tâm rnôk neh dak dôl tâm rdâng đah ăp jêr jŏt wăng sa nar lơn ma hao. Bôk nău kan nchrăp lor bah rơh hop mbra rgum pah kan bah chính phủ, ngân sách neh dak, luật mât chăm kon se n'hanh luật mât njrăng nău dơi, nău geh bah ƀon lan gŭ dak bah dih. Ngân hàng trung ương Hàn Quốc chroh, năm 2020, jâng wăng sa Triều Tiên hŏ geh hŭch hêng dŭt âk tâm 23 năm tă khuch bah nău ntrŭnh rmal mbro bah Liên hợp quốc, trong mpă wêl tă bah COVID-19 n'hanh trôk nar djơh. Triều Tiên mô hŏ năl geh du hê nuĭh ntưp Covid-19, yơn dak dja hŏ ntĭl mpông n'har bri n'hanh dŏng ăp trong mât njrăng lhăt, uănh năl nkra nuh srê lah nkô̆ nău khĭt rêh bah neh dak./.  

Nuĭh rblang: Điểu Thân