VOV4.M’nông – Ntŭk mbơh nkoch nău Mỹ an gĭt, Triều Tiên kơt dôl dŏng du lò phản ứng hạt nhân gay ê nkra plutoni ta rmôt hạt nhân tơm Yongbyon. Tĭng trạng mạng 38 North bah Mỹ, nău ndâk njêng du mbah mhe ta mpeh bah Dâng bah lò phản ứng dak n’gơch rlong ƀư aơ kơt dơi ntơm ƀư, bôl mô geh nău an saơ ntŭk aơ dôl pah kan. Trang mạng uănh lah nău ƀư mhe ta lò phản ứng lah “dôl dơi uănh” tâm rnôk Triều Tiên ŭch n’hao dăng hạt nhân ma Nuĭh Kruanh Kim Jong-un lĕ mbơh ta đại hội Đảng Lao động, Triều Tiên rơh tal 8 ƀư bôk năm aơ. Ăp nău ntôn aơ tâm di đah jêh uănh nđôi bah Ngih pah kan ŭnh nar nguyên tử quốc tế (IAEA) mbơh bah năp nĕ, an lah Triều Tiên kơt hôm e ƀư ta lò phản ứng hạt nhân Yongbyon.

Nuĭh rblang: Y Sưng Phê Ja