VOV4.M'nông: Ủy viên Quốc vụ nkre ƀư Bộ trưởng Ngoại giao Trung Quốc Vương Nghị mhe geh hăn khâl Campuchia tâm 2 nar (12 n'hanh 13/9). Ma trong hăn khâl dja, bar dak hŏ geh nău tâm ban ŭch 6 ntŭk khlay geh tât tâm boh n'hanh tâm brê bar ding. Tĭng nê, Trung Quốc n'hanh Campuchia ton tâm kơl nsum tâm ăp nkô̆ nău geh tât nău geh tơm bah lĕ bar ding, tâm boh tay rdâng lơh nuh srê, ndrel rdâk njêng trong n'har n'hanh njăr trong me têh uĕh, n'hao dăng tâm nđŭr ƀon lan n'hanh tâm nđŭr văn hoá, ndrel tâm boh Đông Á n'hanh tâm boh Trung Quốc - ASEAN hao du kơn prêh mhe lơn. Bộ trưởng Ngoại giao Vương Nghị lah rjăp, Trung Quốc mbra kơl tay Campuchia tâm nău mât njrăng ƀư tơm n'hanh nău khlay neh dak, rdâng lơh tay nuh srê COVID-19 n'hanh hun hao wăng sa, nkre ƀư du nău kan têh lơn ta ăp ntŭk kan ta nkual n'hanh lam ntŭr neh./.

Nuĭh rblang: Điểu Thân