VOV4.M'nông: Tâm nău mbơh dŭt mhe, nhih pah kan mpông n'har Trung Quốc an gĭt mbra tĭng ƀư ăp trong kân njrăng lhăt lơn đah nuĭh, ndeh rklư, ndơ tăch tât bah ăp dak n'hanh nkual neh ntoh njêng săk mhe Omicron. Nău mbơh lah kloh, geh ma nău nuh srê Covid-19 lăp tâm dak dja dôl hao âk rnôk nar lơn ma geh âk nuĭh bah dak bah dih plơ̆ sĭt tâm rnôk Tết Dương lịch n'hanh Tết Nguyên đán, tâm ban kơt rnôk geh ăp nar tâm rlong thể thao têh kơt Olympic n'hanh Paralympic khay sial puh bơi tât tâm bôk năm 2022 ta Bắc Kinh. Tĭng nê, Cục Kân njrăng nuh srê dak si rgum cục Hải quan Trung Quốc mbra groi nđôi lhăt nô nău nuh srê ta dak bah dih n'hanh ăp njêng săk mhe, gŭ mĭn, rblang n'hanh ăp trong nkra rgum tơm ntrŏng tâm nuĭh, ndeh rklư n'hanh ndơ tăch tât bah ăp dak mô lah nkual neh ntoh njêng săk mhe Omicron./.  

Nuĭh rblang: Điểu Thân