VOV4.M’nông: Lơ ¼, ta rơh rƀŭn nchră đah Kruanh N’gâng kan Myanmar Hishammuddin, nŭih dôl ma khâl Trung Quốc, Kruanh n’gâng kan Trung Quốc Vương Nghị lah rjăp, Trung Quốc kơl an ăp dak ASEAN dŏng ăp nau kan kơl an bah ASEAN gay ma ƀư nau kơl rklaih nau kan nsrŭng lơi nau rŭng răng ndrel ndâk nau đăp mpăn ta Myanmar. Ta nar tâm nchră, Kruanh n’gâng kan Trung Quốc Vương Nghị lah rjăp nau rnơm chính trị ndrel nau săk tam bah nau tâm boh đah Trung Quốc ndrel Malaysia rơh rlau aơ, ngăn lah năm 2020, bar ding hŏ tâm rgop rdâng đah srê Covid-19, ntrŭnh dăng nau hun hao văng sa, kŏ kơt lah ƀư nâp nau kan mât âk ding. Wa Vương Nghị mbơh, Trung Quốc mra mât nau tâm nchră ăp gưl đah Malaysia n’hao tâm boh mĭn gay nkra vắc xin ndrel dak si gay ma rdâng srê Covid-19, nkre ntrŭt dăng tâm nchră tâm boh mpeh nau kan n’hâm soan./.

Nŭih rblang: H’Thi