VOV4.M’nông – Trung Quốc an lah Mỹ n’hanh nsum mpôl lam ntŭr neh an tâm pă ntop kơl wăng sa n’hanh kơl kon nuĭh an Afghanistan, kơl an n’gâng kan mhe ƀĭt joet ăp gưl nău kan bah chính phủ du trong nâm ơm, mât đăp mpăn nău rêh jêng n’hanh nking n’gang nău ntoh hao mhe. Aơ lah ntoh ngơi bah Kruanh nchră nău Trung Quốc Vương Nghị tâm rơh kuăl tâm nchră đah Kruanh nchră nău Mỹ Antony Blinken mhe ƀư. Tĭng ntŭk mbơh nkoch nău Trung Quốc, wa Vương Nghị lĕ an lah Mỹ an geh nău ƀư na nê̆ gay kơl Afganistan nchăng n’gang rŭng răng n’hanh nking n’gang tâm lơh tĭng nău way tâm ryơk ƀư tơm neh dak, mbơh lah lor nău rhoăt ndal tahen mbra ntrŭt ntrôl ăp rmôt ƀư rŭng răng rgum tay n’hanh dăng lơn. Hôm nuĭh ntoh ngơi N’gâng kan tâm rnglăp nchră nău Mỹ Ned Price an gĭt 2 kruanh nchră nău lĕ tâm nchră mpeh nău khlay tâm nău lam ntŭr neh đă Taliban ƀư tĭng ăp tâm ton mpeh nău pơk trong hăn đăp mpăn an nuĭh Afghanistan n’hanh nuĭh ƀon lan dak bah dih.

Nŭih rblang: Y Sưng Phê Ja