VOV4.Mnông-  Tâm rnôk geh nuh srê Covid-19 hôm nha ntưp âk n’hanh si gle dak nor mô hôm âk, chính phủ Trung Quốc mhe geh mbơh du nău mbơh nchrăp pah kan kuăl đă ƀon lan dŏng mpêt nrkem ndơ ngêt sông gay ma mât đăp mpăn rnoh ndơ sa tâm dak nơm. Nău mbơh ntrŭnh mhe geh ntŭk kan Trung ương Đảng cộng sản Trung Quốc n’hanh ntŭk kan Quốc vụ viện Trung Quốc mbơh ntrŭnh. Tâm nĕ, đă nuĭh ƀon lan dŏng mpêt nkrem ndơ ngêt sa bâh ntơm nău nkra njêng, nkret ƀư, nchoăn rdeng tât dŏng sa, nkre lah dŏng ndơ kan kĩ thuật gay ma n’hao tay lơn mât đăp mpăn ndơ sông sa, tŏng pă ndơ sa an rlău 1,4 rmen ƀon lan. Nău ntrŭnh lĕ đă ăp n’gâng kan, ăp ntŭk ta dak aơ tâm rgop mbơh tơih nău ngăn ƀư tĭng răng dăng nău mbơh kan geh nchrăp. Đă na nê̆, kơt lah an lor ntĭm mbơh ăp ntŭk kan tăch rgâl, răk ngêt sông leo nkah nuĭh kuăl dŏng ndơ sa an geh tŏng. An geh ngăch saơ njrăng ăp nău dŏng mpung lir bâh nuĭh tăch rgâl bâh trong mbơh ndal bâh n’gâng kan.

Nuĭh rblang: Thị Đoắt