VOV4.M’nông – Nkual ƀon têh Thụy Lệ, n’gor Vân Nam, miền Tây Nam Trung Quốc mhe đă nuĭh ƀon lan mô luh lăp nkual ƀon têh lah mô geh nău khlay yor saơ 3 nuĭh Covid-19 tâm ntŭk gŭ rêh. Nău ntrŭnh aơ dơi ndơ̆  jêh nkual ƀon têh aơ ntoh tay srê Covid-19 tâm ntŭk gŭ rêh. Du đêt nkual ta aơ lĕ đă nuĭh ƀon lan ƀư uănh năl lam hvi. Nău nchoeng n’gang bkual ƀon têh dơi ndơ̆ jêh rnôk Thụy Lệ, nkual ƀon têh êp đah Myanmar saơ 3 nuĭh ntưp Covid-19 tâm ntŭk gŭ rêh, tâm nĕ geh 2 nuĭh Trung Quốc n’hanh du hê Myanmar tâm du rơh uănh năl ƀa ƀơ ƀư ta lam nkual ƀon têh. Tĭng Ban ntĭm rđău njrăng n’gang Covid-19 bah nkual ƀon têh Thụy Lệ, rơh uănh năl mham rơh aơ dơi ƀư tă bah mông nar dăch aơ nu nău srê ta dak bah dih geh hô, rnoh nuĭh plơ̆ sĭt bah neh dak bah dih ta aơ hao âk. Ăp kruanh nkual ƀon têh an gĭt, ndrel đah nău ntrôl ngăch uănh năl mham, mô êng Thụy Lệ mbra ntoh tay ăp nuĭh ntưp mhe.

Nŭih rblang: Y Sưng Phê Ja