VOV4.Mnông – Ủy viên Quốc vụ nkre ƀư Kruanh tâm rnglăp nchră nău Trung Quốc Vương Nghị mhe aơ lĕ n’gluh an dăn đă 4 nău bah dak aơ gay n’hŭch duh jêr hao đah Palestine n’hanh Israel. Pơng kuăl jă lam ntŭr neh ndăn ƀư gay nking n’gang nu nău mô uĕh, dêr an nkual du tơ̆ tay tâm tâm nău uh ah n’hanh mât njrăng nău rêh an kon nuĭh ƀon lan. Tĭng kruanh nchră nău Trung Quốc, Palestine nău khlay mro tâm nău Trung Đông. Knŭng rnôk nău Palestine dơi mkra du trong lĕ rngôch, tâm ban n’hanh jŏ jông, nkual Trung Đông mư ngăn ngên dơi geh đăp mpăn jŏ jong n’hanh rnă njrăng lam hvi. Gay bah duh jêr aƀaơ, wa Vương Nghị lĕ ndơ̆ nău dăn đă 4 nău, geh rlu pănh n’hanh lôch nău tâm lơh kơl lor bôk năp; ntop kơl nuĭh lah nău khlay; ntop kơl lam ntŭr neh lah du nău kan n’hanh “trong mkra 2 ngih dak” lah trong rklaih luh bôk năp.

Nuĭh rblang: Y Sưng Phê Ja