VOV4.M'nông: Mpông n'har Trung Quốc n'hanh Mpông n'har Nam Phi mhe ký ton tâm kơp dơn nsum đah ăp doanh nghiệp tăch n'gluh, n'glăp ndơ dơi an rong lor. Tĭng nê, năm aơ, rlău 200 doanh nghiệp tâm nkual mpông n'har Quảng Châu, Trung Quốc mbra dơi geh rong lor tâm tăch n'gluh ndơ tât Nam Phi đah rnoh khlay nklăp 4 rmen nhân dân tệ. Lôch rnôk mpông n'har Trung Quốc n'hanh Mpông n'har Nam Phi ký ton tâm kơp dơn nsum, ndơ tăch bah ăp doanh nghiệp bar dak mbra nkra ăp nkô̆ nău mpeh si ƀŭt mpông n'har lăp, nkra an luh lăp ngăch lơn. Ăp trong nkra nta trong dơh tâm kơp dơn nsum mbra hŭch đêt huach prăk kan, ntrŭt ntrôl tâm tăch rgâl đăp mpăn n'hanh mbluh aih bah doanh nghiệp, nkre nta trong dơh tăch rgâl an nău pơk hvi tăch rgâl n'hanh ntuh kơl bah bar dak./.

Nuĭh rblang: Điểu Thân