Ƀon lan kan lŏ mir n’gor Gia Lai dôl ta yan lêh sầu riêng năm 2024. Lam n’gor aƀaơ geh bơi tât 6 rbăn ha sầu riêng, tâm nĕ rnoh neh tăch rgâl play geh klâp ma du n’gul, rgum ta ăp nkuăl kơt Chư Prông, Ia Grai, Đăk Đoa, Chư Sê n’hanh Chư Pưh.

N’gor lĕ rdâk njêng geh 16 rnoh mbrô nkual tăm sầu riêng n’hanh dôl rdâk njêng sầu riêng jêng ndơ tăm tơm khlăy. Bol ma rlet rlău âk khay duh phang dŭt hô, yơn đah nău kan na nê̆ n’hanh uănh khlăy mpeh kĩ thuật mât tăm, nuĭh tăm ta n’gor aơ hôm e geh ăp mir sầu riêng âk play. Wa Nguyễn Thị Lý, du hê nuĭh hăn rvăt sầu riêng ta nkuăl Chư Păh, n’gor Gia Lai an gĭt, năm aơ rnoh sầu riêng ta Gia Lai dŭt âk n’hanh play têh ueh kah jêng geh âk bu tât rvăt. Rnoh rvăt sầu riêng Ri6 bâh 55 tât 60 rbăn prăk/kg, hôm sầu riêng Dona bâh 65 tât 70 rbăn prăk/kg.