VOV4.Mnông – Nar 6/4, N’gâng kan mât njrăng bri dak ƀư rƀŭn nchră pơk sŏng dăng rơh rƀŭn tal 14 Rmôt way kan mât đăp mpăn rơh tal 4, lvang 2021-2023 tâm rnôk Rƀŭn nchră Kruanh n’gâng kan mât njrăng bri dak ASEAN pơk hvi. Đại tá Mạc Đức Trọng, Kruanh Rmôt way kan mât đăp mpăn Việt Nam n’hanh wa Matsuzawa Tomoko, Kruanh rmôt way kan mât đăp mpăn dak Nhật Bản, ndrel ƀư tơm Rƀŭn nchră. Rƀŭn nchră mĭn lah tay nău ƀư tơm, nsing nơm, jâng nsan, nău rgop bah Việt Nam tâm ăp trong ƀư kan ndrel ăp ding mpeh mât đăp mpăn Liên hợp quốc tâm nkual. Aơ lah di an n’hao tâm rgâl nău way kan, tâm pă nău blău ơm đah ăp dak kan ndrel n’hanh Liên hợp quốc gay ntrôl tât râng bah bu ur tâm ăp nău ƀư mât đăp mpăn. Đại tá Mạc Đức Trọng an gĭt: Rƀŭn nchră Kruanh n’gâng kan mât njrăng bri dak ASEAN pơk hvi lĕ rgop dŭt âk tâm nău n’hao kan ndrel rnă njrăng, mât njrăng bri dak, yor đăp mpăn, hun hao ta nkual n’hanh ta lam ntŭr neh.

Nuĭh rblang: Y Sưng Phê Ja