VOV4.M’nông – Ta nar pah kan ôi 23/4 đah nkual ƀon têh HCM mpeh trong kan njrăng n’gang srê Covid-19, Groi thủ tướng Vũ Đức Đam đă ăp rmôt kan n’hao uănh nđôi tâm rơh lễ êp tât, uănh nđôi nuĭh luh lăp mô tâm di, kơt nău wăn bok put mbung ntŭk âk nuĭh gay nking n’gang ntưp srê. Ntoh ngơi ta rơh rƀŭn, Groi Thủ tướng Vũ Đức Đam an lah, nkual ƀon têh HCM lĕ uănh nđôi srê Covid-19 dŭt uĕh đah âk nău ƀư mhe hăn lor tâm lam dak. Yơn lah, pơh mhe rlău, nkual châu Á hao 34% rnoh nuĭh ntưp Covid-19, ăp dak tâm nkual dôl tâm nu nău hao âk, nkual ƀon têh HCM lah du ntŭk geh dŭt âk nău ntưp, nuĭh ƀon lan rgum sĭt âk, yor nê an uănh nđôi rjăp, ngăn lah đah ăp nuĭh lăp gŭ. Groi thủ tướng đă an n’hao uănh nđôi, groi uănh nuĭh lăp mô tâm di, kơt nău wăn bok put mbung ntŭk âk nuĭh gay nking n’gang nău ntưp srê.

Nŭih rblang: Y Sưng Phê Ja