VOV4.M’nông – Ôi 9/4, Groi Kruanh UBND n’gor Lâm Đồng Phan Văn Đa lĕ geh nar wơt n’hanh pah kan đah Đại sứ Phần Lan Kari Kahiluoto. Ta nar wơt, Đại sứ Kari Kahiduoto tâm nchră, nkoch du đêt nău geh n’hanh dơi kan ndrel bah Phần Lan đah Lâm Đồng kơt mât uănh tu dak, dak kloh uĕh n’hanh răk ntŭk ntô gŭ âm, mkra ndŏk nja... Đại sứ nkoch nău ntrôl kan ndrel mpeh nău nchrăp mkra dak ma Phần Lan dôl uănh ta nkual ƀon têh Bảo Lộc n’hanh nkoch nău ŭch n’gor uănh mĭn ntrôl ƀư nău nchrăp kan aơ tâm năm tât.

Ntŭk rƀŭn nar wơt

Groi Kruanh UBND n’gor Lâm Đồng Phan Văn Đa lah uĕh rơh khâl n’hanh tâm nchră di an kan ndrel bah Đại sứ n’hanh mpôl pah kan. Wa an gĭt, Lâm Đồng aƀaơ dôl nsrôih ntrôl hun hao âk nău kan; tâm nĕ, geh du đêt nău kan ma n’gor Lâm Đồng aƀaơ dôl dŭt ŭch ntop kơl nău blău ơm kơt kan ndrel ntuh kơl bah Phần Lan kơt ndâk ƀư nkual ƀon têh thông minh ta Đà Lạt n’hanh Bảo Lộc, mât uănh tu dak, mkra dak djăh, mât uănh bri đah công nghệ

Nŭih rblang: Y Sưng Phê Ja