VOV4. M’nông: Ủy ban bầu cử (UBBC) n'gor Dak Lak tă bah wa Phạm Ngọc Nghị, Kruanh UBND n'gor, Groi kruanh Uỷ ban bầu cử n'gor Ƀư kruanh mpôl leo hăn hŏ ôp uănh pah kan nchrăp bầu cử đại biểu Quốc hội khóa XV n'hanh đại biểu HÐND ăp gưl, năm kan 2021 – 2026 ta thị xã Buôn Hồ.

  Tĭng nău mbơh bah Uỷ ban bầu cử thị xã Buôn Hồ, pah kan nchrăp an rơh bầu cử hŏ dơi thị xã rđău đă, an tĭng ƀư đăp mpăn đơn vị bầu cử, săk ăp đơn vị bầu cử n'hanh rnoh âk nuĭh ntơh măt dơi sơch ta ăp đơn vị bầu cử đại biểu HĐND thị xã, đại biểu HĐND xã, phường.  Lah n'glôch jêh pah kan, wa Phạm Ngọc Nghị đă ăp pah kan nchrăp ân dơi ƀư ăp tŏng rêng, uănh năl na nê̆ gay nar bầu cử lah nar rgum ngăn bah lam ƀon lan. Uỷ ban bầu cử thị xã Buôn Hồ rđău đă, ntĭm nti Ủy ban bầu cử ăp xã, phường rgum an ƀư tay ăp nău kan đăp mpăn di rnoh ngăch; way hăn ôp uănh mbro, rdâk njêng ăp tŏng ăp trong nchrăp gay mât đăp mpăn rnă njrăng, đăp mpăn an rơh bầu cử, nchrăp rdâng lơh tâm ăp nău tât nuh srê, trôk nar lơh./.

Nuĭh rblang: Điểu Thân