VOV4.M’nông: Uỷ ban gưl prêh Libya hŏ ton lah mra nsrŭng nar săch kan, nklăch phiếu bôk năp tâm rơh săch kan Tổng thống geh ƀư tâm nar prăm, lơ 24/12. Uỷ ban săch kan đă nar mhe ân nar săch kan lah lơ 24/1 tât, nkre kuăl jă Quốc hội ndơ̆ luh ăp nau kan gay ma doh rklaih ăp nau jêr jŏt rnôk aơ. Tâm nau ton lah bah nơm, Uỷ ban săch kan Libya mbơh nau ntrŭnh geh ndơ̆ luh nsing tâm Điều 43 bah Luật mrô 1 năm 2021, geh tât nau săch kan bah nŭih dâk bôk ngih dak ndrel uănh năl nau dơi bah păng ndrel ăp nau rgâl, tâm nê ntrŭnh nau Uỷ ban geh dơi nchră ân geh nsrŭng nau nklăch phiếu, nkre Quốc hội nchrăp nar êng gay ma nklăch phiếu tâm 30 nar./.

Nŭih rblang: H’Thi