VOV4. M’nông: Nar ntri (22/3), Mpôl pah kan Ƀan rnâng kan Ủy Ban Trung ương MTTQ Việt Nam tĭng ƀư nău ôp uănh, groi nđôi pah kan nchrăp bầu cử đại biểu Quốc hội khóa XV n'hanh bầu cử đại biểu HĐND ăp gưl, năm kan 2021- 2026 ta n'gor Kon Tum.

Lôch uănh năl si ƀŭt, nău rgum nchih bah Ủy ban Bầu cử n'gor Kon Tum n'hanh hăn ôp uănh na nê̆ ta nkuâl Đăk Hà, mpôl hăn groi nđôi saơ, n'gor Kon Tum hŏ dŭt nchrăp lor, nsrôih an ƀư ăp si ƀŭt mpeh bầu cử n'hanh lam trong si ƀŭt njuăl rđău đă, ntĭm nti bah nkuâl; râng kơi năp nti ăp tŏng; ăp rmôt mât kan bầu cử đăp mpăn mpeh rnoh âk, ntil nuĭh râng, mông nar. Mpôl hăn ôp uănh, groi nđôi bah Ƀan rnâng kan Ủy Ban Trung ương MTTQ Việt Nam njrăng đă n'gor Kon Tum du đêt nkô̆ mô hŏ di quy định, hôm khoah, kơt: du đêt nuĭh râng tâm rlong hôm geh săk tâm Ƀan bầu cử n'hanh Rmôt bầu cử; kơi ntop gưl hàm tâm si ƀŭt ăp nuĭh tâm rlong tahen; nău tĭng quy định mpeh si ƀŭt nchih tâm rkhăch./.

Nuĭh rblang: Điểu Thân