VOV4.M’nông:  Lơ 23/3, Rmôt jhăn kan bah Rnâng kan Uỷ ban Trung ương MTTQ Việt Nam yor Groi Kruanh Uỷ ban Trung ương MTTQ Việt Nam Phùng Khánh Tài ƀư tơm Kruanh rmôt kan mêt uănh, nau kan nchrăp săch kan ntoh măt Quốc hội gưl XV ndrel ntoh măt HDND ăp giưl, năm kan 2021-2026 ta n’gor Dak Nông. Tĭng nau mbơh bah Uỷ ban săch kan n’gor Dak Nông, tât rnôk aơ nau nchrăp kan săch kan ntoh măt Quốc hội gưl XV ndrel ntoh măt HDND ăp gưl năm kan 2021-2026 tâm n’gor kŏ geh ntrŭnh tâm di.

Lam n’gor hŏ ndâk 2 Rnâng kan săch kan ntoh măt Quốc hội ndrel 14 Rnâng kan săch kan ntoh măt HDND n’gor, 8 uỷ ban săch kan HDND gưl nkuăl, 71 uỷ ban săch kan HDND gưl xã. Tâm nar pah kan đah uỷ ban săch kan n’gor Dak Nông, rmôt kan mêt uănh bah Rnâng kan Uỷ ban Trung ương MTTQ Việt Nam nkah uỷ ban săch kan n’gor ân năn saơ, lơh rdâng ndrel rklaih ăp nau ntoh luh tâm ntŭk gay ma ân rơh săch kan geh lah du nar rgum têh bah ƀon lan./.

Nŭih rblang: H’Thi