VOV4.M’nông – Mpôl pah kan Ủy ban TW MTTQ Việt Nam tă bah wa Phùng Khánh Tài-Groi Kruanh ƀư kruanh mpôl pah kan mhe geh nar pah kan đah n’gor Lâm Đồng mpeh uănh nđôi trong kan săch ĐBQH khóa 15, đại biểu HĐND ăp gưl năm kan 2021-2026. Uănh nsum trong kan nchrăp săch ta Lâm Đồng bah gưl n’gor tât gưl nkuăl n’hanh gưl xă lĕ dơi ƀư di tĭng nău ntrŭnh.

Ủy ban Trung ương MTTQ VN uănh nđôi trong kan săch ta Lâm Đồng

N’gor ủy, HĐND, UBND, Ủy ban săch n’gor lĕ nchrăp uĕh, mbơh ƀư ăp nău kan săch, mĭn njêng ăp nău mhe nkôp đah năm kan 2016-2021 gay ƀư di ngăch n’hanh nar ntrŭnh, ngăn lah ntơm kơp uănh ăp nkô̆ nău dơi ntrŭnh tâm luật, bah nĕ ntĭm mbơh ƀư ta ntŭk gay dêr tât ndal. Groi Kruanh Ủy ban Trung ương MTTQ Việt Nam Phùng Khánh Tài kơp dơn, uănh lah prêh trong kan nchrăp săch bah n’gor Lâm Đồng. N’gor ủy, HĐND n’hanh UB săch n’gor n’hanh trong kan MTTQ ăp gưl lĕ ntĭm rđau, an ăp sam ƀŭt, trong nchrăp ngăch, ƀư ăp rƀŭn nchră hiệp thương di ngăch, di nuĭh, dơi geh nău đă n’gluh an. Lâm Đồng an mât uĕh tay ăp săk rnglăy lĕ dơi geh, ƀư tĭng tŏng nar n’hanh ngăch ăp nău kan bah năp tay gay trong kan nchrăp săch ta n’gor geh săk rnglăy uĕh.

Nuĭh rblang: Y Sưng Phê Ja