VOV4.M’nông: Lơ 11/6, nŭih rđau kan bôk năp bah Trung Quốc Dương Khiết Trig hŏ kuăl điện thoại tâm nchră đah Kruanh n’gâng kan Mỹ Antony Bliken. Aơ lah rơh kuăl điện thoại tâm nchră bôk năp đah wa Dương Khiết Trì ndrel wa Blinkin kơp ntơm nau tâm mâp sŏng tâm khay 3 ta Alaska ndrel jêh ba kơi 3 rơh kuăl điện thoại tâm nchră đah rđau kan văng sa tăch rgâl 2 ding ntơm dŭt khay 5. Wa Dương Khiết Trì kuăl jă Mỹ “ntrŭt dăng nau tâm boh Trung-Mỹ plŏ tay nau kan hun hao tâm di tĭng nau ŭch bah rơh kuăl điện tâm nchră đah bar rđau kan neh dak tâm rnôk ntơm năm mhe” năm 2021. Tâm nê Đài Loan, rđau kan nchră nau Trung Quốc hŏ lah rjăp tay aơ lah nau kan geh tât nau ƀư tơm ndrel nâp nâl nkuăl neh bah Trung Quốc, kŏ kơt lah ăp nau geh jêng tơm bah dak aơ, yor ri wa kuăl jă Mỹ rklaih nau kan ân tâm ban ueh pư nau kan geh tât Đài loan”. Wa lah rjăp, Trung Quốc mô joi ăp nau rdâng bôk mô lah tâm rkeh đah Mỹ yơn mra nsôih mât ân dơi nau ƀư tơm, rnă njrăng ndrel nau săk geh bah nơm./.

Nŭih rblang: H’Thi