VOV4. M’nông: Kêng măng (5/4), Thủ tướng Chính phủ Phạm Minh Chính hŏ tĭng ƀư nău way ton dơn nău kan ta nâm cờ Tổ Quốc, bah năp Quốc hội n'hanh ƀon lan, cử tri lam dak. Bah năp nê, lơn âk phiếu ŭch, Quốc hội hŏ an dŏng Nghị quyết sơch wa Phạm Minh Chính ƀư Thủ tướng Chính phủ dak Cộng hòa xã hội chủ nghĩa Việt Nam.

Lah ta rnôk dơn nău kan lôch ƀư nău way ton, Thủ tướng Phạm Minh Chính mbra an lĕ n'hâm suan he, rlău dơi ăp jêr jŏt, ntul rlong; nđơn tay, mât uĕh nău way ơm n'hanh nău tă  ơm gĭt kan khlay bah ăp Thủ tướng rlău ăp rơh; nsrôih ndrel ăp nuĭh kan tâm Chính phủ tâm rnglăp, kloh rvah, dâk kan lĕ n'hâm suan, du nuih n'hâm rhŏ dŏng an neh dak, rhŏ dŏng an ƀon lan, lĕ rngôch yor an nău geh bah Đảng, bah neh dak, rnoi nuĭh. Chính phủ n'hanh Thủ tướng Chính phủ năm kan dja rdâk tay nuih n'hâm rgâl mhe, nău mĭn ŭch rŏng nsan hao n'hanh geh âk nău dơi khlay, lam lĕ rngôch ta ăp trong kan./.

Nuĭh rblang: Điểu Thân