VOV4.M’nông– Kêng măng 23/4, Mpôl groi nđôi trong kan săch nuĭh ntoh măt an Quốc hội khóa 15 n’hanh nuĭh ntoh măt an HĐND ăp gưl năm kan 2021-2026 yor wa Trần Thanh Mẫn, Ủy viên Bộ chính trị, Groi Kruanh rnâng kan Quốc hội, Groi Kruanh rnâng kan Hội đồng săch Ngih dak ƀư kruanh rmôt lĕ geh nar pah kan đah n’gor Hậu Giang.

Ntŭk nar pah kan

Ntoh ngơi ta nar pah kan, wa Trần Thanh Mẫn mbah rhơn ăp nău dơi geh ma n’gor Hậu Giang dơi hun hao wăng sa, ndâk njêng ƀon lan mhe, sŏk ndơ̆ tơm prăk, hun hao ntung trong bah nkual ƀon têh tât ƀon lan; rnê n’hanh uănh lah prêh ăp săk rnglăy ma n’gor Hậu Giang dơi geh tâm nău ƀư tĭng ăp trong nchrăp an săch. Wa Trần Thanh Mẫn lah rjăp, aơ lah rơh rgum rƀŭn chính trị khlay yor nê, ăp nău kan geh tât săch, Hậu Giang ân nchrăp ƀư rjăp, tŏng ăp, di pháp luật, đăp mpăn, ntêm nkrem; trong kan njrăng n’gang srê Covid-19 an ƀư tĭng rjăp, mô thơ tha.

Nŭih rblang: Y Sưng Phê Ja