VOV4. M’nông: Ôi 26/4, Ủy ban Bầu cử nkual ƀon têh Đà Nẵng ƀư rơh hop tâl puăn tâm ban ŭch tâm pă săk tâm rlong Đại biểu Quốc hội khóa XV n'hanh HĐND nkual ƀon têh năm kan 2021-2026; an ƀư trong nchrăp mâp ƀon lan bah ăp nuĭh tâm rlong Đại biểu Quốc hội n'hanh HĐND nkual ƀon têh.

Ủy viên Bộ Chính trị, Rnâng kan Ban Bí thư Võ Văn Thưởng dơi Trung ương nkoch mbơh săk tâm rlong Đại biểu Quốc hội ta nkual ƀon têh Đà Nẵng. Ta rnôk tâm nchră, ăp đại biểu hŏ tâm ban ŭch tâm pă săk nuĭh tâm rlong Đại biểu Quốc hội khóa XV n'hanh HĐND năm kan 2021- 2026 uănh tĭng đơn vị bầu cử. Tĭng nê, nkual ƀon têh Đà Nẵng geh 10 nuĭh tâm rlong Đại biểu Quốc hội khóa XV, tâm nê geh 2 hê nuĭh tâm rlong tă bah Trung ương nkoch mbơh lah Ủy viên Bộ Chính trị, Rnâng kan Ban Bí thư Võ Văn Thưởng n'hanh wa Nguyễn Thị Kim Thúy, Ủy viên Rnâng kan Ủy ban ăp nkô̆ nău rêh jêng kon nuĭh bah Quốc hội.

Nuĭh rblang: Điểu Thân