VOV4.M’nông – Rmôt kan Dak si lam ntŭr neh (WHO) tâm pơh aơ mbra mbơh rmôt mĭn njêng mhe mpeh tu tơm srê Covid-19, geh nklăp 20 nuĭh way kan tâm âk ntil bah kaman học, tât đăp mpăn jrô rlong kan, đăp mpăn sinh học. Tĭng Rmôt kan dak si lam ntŭr neh, Ủy ban uănh nđôi mhe dơi ndâk njêng, geh moh Rmôt mbơh ntĭm khoa học mpeh tu tơm n’gu srê mhe, mô knŭng geh nău kan joi tu tơm bah kaman Sars CoV-2, ma hôm uănh lah nău dơi saơ bah ăp ntil nău khuch ƀư srê mhe tâm rgŏ năp. Rmôt kan dak si lam ntŭr neh kuăl jă lĕ rngôch ăp chính phủ kan ndrel gay ntrôl ngăch ăp nău mĭn njêng mpeh tu tơm chôt srê têh. Mỹ bah năp nĕ lĕ rnê trong chrăp bah WHO, nkre nkoch nău nsing nơm “nău khlay ăp nău mĭn njêng nsing tâm nkô̆ nău khoa học n’hanh ăp nău nsrôih ta sam ƀŭt dơi joi tu tơm chôt srê têh dơi kơl kon nuĭh saơ, nking n’gang n’hanh rdâng uĕh lơn bah năp ăp rơh ntoh chôt srê tâm rgŏ năp”.

Nŭih rblang: Y Sưng Phê Ja