VOV4.Mnông- Tâm rnôk kaman rgâl săk Covid-19 dôl ăp nar lơ ma âk n’hanh geh săk rnglăy bâh vacxin hŭch tĭng mông nar, âk dak ntơm geh ƀư tĭng ăp nglai chuh ntop n’hao tay. Ntŭk kan dak si lam ntur neh lĕ ntơm geh mbơh nău dăn đă mbơh mhe ngăn mpeh ăp rmôt kan geh chuh ntop tay vacxin njrăng Covid-19 lôch tă geh chuh tŏng 2 nglai. Tĭng rnoh kơp dăch aơ an saơ săk rnglăy bâh vacxin njrăng Covid-19 hŭch tĭng mông nar. Na nê̆, săk rnglăy mât njrăng bâh vacxin ta rmôt nuĭh âk năm deh dôl hŭch yor aơ lah rmôt geh an  chuh lor bôk năp tâm ăp nău kan chuh n’gang. Kruanh Ủy ban mbơh nău vacxin bâh ntŭk kan dak si lam ntur neh Alejandro Cravioto ndơ̆ mbơh du nău dăn đă đah ăp nuĭh ntưp ăp nău aơ mô dăng rdâng đah nău ji mô lah lĕ geh chuh ăp ntil vacxin mô tam jêng geh chuh ntop tay.

Nuĭh rblang: Thị Đoắt