VOV4.M’nông: Tổng Giám đốc ntŭk kan dak si lam ntur neh (WHO) hŏ ntoh nau rnê ngăn nau kan tâm ton kơl an bah rmôt 7 dak công nghiệp hun hao (G7) pă 870 rkeh dĭng vắc xin njrăng rdâng srê Covid-19 ân nau kan COVAX (du bôk nau kan tâm pă tâm ban vắc xin yor Liên hợp quốc ndrel ăp dak tâm pă kơl ƀư). Tổng giám đốc WHO kŏ nkre ton bơh, nau kan pă vắc xin ân geh ƀư ngăch ndrel ma âk lơn tay. Tĭng WHO, ăp nar hôm geh nklăp 10 rbăn nŭih khĭt yor srê Covid-19 tâm nê ăp nŭih ji jâk jru tâm Châu Phi geh rnoh khĭt âk lơn. Nŭih kơl nchră mbơh nau kan gưl prêh bah Ntŭk kan dak si lam ntur neh (WHO) Brúc-an-uốt mbơh Châu Phi mra geh kơl an tâm ban nau pă 870 rkeh dĭng vắc xin njrăng rdâng srê Covid-19 bah G7 pă kơl./.

Nŭih rblang: H’Thi