VOV4.M’nông – Rmôt kan dak si lam ntŭr neh (WHO) mhe aơ an gĭt, rlău 4 rkeh 800 rbăn nuĭh ntưp Covid-19 mhe n’hanh rlău 85 rbăn nuĭh khĭt lĕ dơi kơp dơn ta lam ntŭr neh tâm pơh bah năp, jêng lah hŭch 12% n’hanh 5% nkôp đah pơh bah năp. Yơn lah, ngih kan dak si Liên hợp quốc mbơh, rnoh ăp nuĭh ji hôm e âk ngăn kơp bah rnôk ntơm geh srê. Ấn Độ hôm e geh dŭt âk ăp nuĭh kơp dơn tâm pơh bah năp, jêh nĕ lah Braxin n’hanh Mỹ. Rlău ma nĕ, Rmôt kan dak si lam ntŭr neh an gĭt đŏng, ntil kaman Sars CoV-2 mhe dơh ntưp lơn dơi saơ bôk năp ta Anh, lĕ dơi joi saơ ta 143 dak n’hanh nău ntoh bah pơng dôl dơi năl ta 8 dak êng. Tĭng Rmôt kan dak si lam ntŭr neh, âk nău rgâl dôl uănh bah kaman Sars CoV-2 yor dơi ntưp âk lơn, kơt dơi du dêr trong chŏl nău ji.

Nŭih rblang: Y Sưng Phê Ja