Hâux lưv qênhz yuôx Đảng: Thâuv Chor hloz sir jos, chor zâu tsi moz siêz uô

         Kruôs thiêz jông siêz, thôngx ziv sơưr Đảng iz saz hâur cxiv tơưv txênhz tsi jav trâu têx lênhx nênhs nox nhiêx têz qơưk thiêz uô têx nuv tsi trơưk chei. Co zos têx moz siêz txos, zos phênhv ntâu canr bôv, đảng viên thiêz tsôngv px li siêz xar thâuv seiz pov luôs hâux lưv T.Ư xưv bluô têx lênhx canr bôv, tsưr tsix đảng uô zuôv hâur six hơưv đhâu. Xưk li Tổng Bí thư Nguyễn Phú Trọng tưz heik “hâur kror chuz tưz muôx ndêis thiêz cuz mak txơưv tơưk nhôngk lok cux zuôr cuz xưz”. Taz sik ntơư zos ntơưv cấp T.Ư. Ntâu txuz nuv muôx nhoz têx thax tsav qơư, tsôngv box sđ tok njôngr cov tâu iz lo luk têz tsênhz mênhx, mak lok six lax. Tưz ntêr lok xav txix thâuv tsôngv box sđ nuk txos iz ndis iz lênhx hâu nov nhoz Yên Bái têx chuôz zênhx, taz sik txos nhiv no thanh tra Chính phủ cux tsi tâu muôx iz lo luk têz tsênhz. Yuôr ntơưv Thanh Hóa, đhâu thâuv Ủy ban qênhz yuôx Tỉnh ủy heik pâuz têx suô luk lol luôs hâux lưv xeir zuôr zênhx max iz lênhx canr bôv cấp phòng mak tsôngv box ho heik tiêk, hâux lưv xưv bluô têx co lok six siz, tsi tâu txos qơư. Nhiv kruôr no, zơưv Hà Quốc Trị-Ủy viên Ủy ban qênhz yuôx T.Ư thâuv têz têx tuz sâu xor xưv Đeix TNVN luk nuk, tưz heik yưv uô  tâu flơư, ntơư zos txix thâuv hâur six cxiv khóa 12, tsênhz đuô zos zuôr xar 2 shông đhâu, cơ quan qênhz yuôx Đảng nhoz iz cxiê suôv qơư tsi tâu muôx iz jiês tưs qênhz yuôx đảng viên thiêz tsưr tsix đảng hlo “Viv tsi tâu pov uô cxâuv li chas”. Têx heik tsênhz no tsi tiêk uô trâu tsôngv box xar têx tsi jông txos mak ciês chênhr cơ quan qênhz yuôx T.Ư cux tsi to tâuz. Zơưv Hà Quốc Trị heik:

“Trơưk li pêz xar, tsi qênhz yuôx tsi tiêk tsi uô cxâuv tuk tsi mak nhoz no zos lơưr tsi moz siêz txos luôs hâux lưv co, tsi xar heik, tsi car qênhz yuôx thâuv pov muôx têx uô cxâuv...... Chênhr viv li, ntơưv jiês cơưv ntâuk grê 6 hli hâur shôngk shông 2017, đôngx chir seiz car Ủy ban qênhz yuôx T.Ư tưz chox car, fuô kriê trâu têx thax tsav qơư tsuv sir jos, bax tsưr ziv, nriêr pâuz qênhx shênhx thiêz qir qênhz yuôx tsưr tsix đảng thiêz đảng viên hâur zuk cấp seiz car”.

         Cux trơưk li zơưv Hà Quốc Trị, tsơưs tsơưs iz Ban thường vụ tỉnh ủy, thành ủy seiz car 300 lênhx canr bôv nhoz hâur Ban thường vụ. Iz tsưr tsix đảng hâur iz ntu ntơư muôx têx tsi muôx tuk tsi uô cxâuv, taz sik ntâu tsưr tsix đảng thiêz ntâu canr bôv, đảng viên li ntơư tsi muôx li chas uô cxâuv hâur zuôr xar 2 shông đhâu  mak no zos iz kro tsi truôx. Têx ntâuz ntơưr đại hội 12 thiêz Nghị quyết T.Ư 4 khóa 12 tưz jênhv tinhv tiêk, canr bôv, đảng viên têx uô cxâuv hâur six hơưv đhâu tsi tiêk txo grêk tsơưs mak tsênhv ziv hnuz ziv tsar ndê, muôx têx tsênhv phiv liv, lox đuô thiêz. Viv li, iz cxiê tỉnh , thành hâux lưv qênhz yuôx li co pok huv thiêz uô tâu lok tsi tâu? Zơưv Phạm Thế Duyệt-Kuz ủy viên Bộ Chính trị, Thường trực Ban bí thư, kuz Chủ tịch Ủy ban T.Ư Mặt trận tổ quốc VN heik, têx hâux lưv co zos tsi yuô moz siêz uô jông qênhz yuôx Đảng hâur têx bộ, ngênhx thiêz ntơưv qơư:

“60 ntâu tỉnh, thành, 20 ntâu bộ ngênhx, mặt trận, têx đoanx thêv pok moz siêz lok tsi moz, tsuôk muôx đôngx chir Tổng Bí thư heik thiêz tok T.Ư 8 đoanx qênhz yuôx muk qênhz shuôs thiêz suô luk li chas? Jông đuô mak zuk chiv chiv chir uô zuk xưz, tsi cxoz tok đoanx qênhz yuôx nuk txos mav heik. Zos tiêk hur tiz si sđ đros moz siêz txos, đros lês uô jông têx nuv li heik sâuv mak tsôngv box zuôr njênhs thiêz chiê siêz, shir phaz đuô”.

         Hâur Tổng bí thư Nguyễn Phú Trọng jiês chuôs njiz cử tri Hà Nội hnuz 12/10 nhiv kruôr đhâu, iz cxiê lênhx đảng viên lâul heik, hâux lưv phax tir thêir têx nênhs siêz tsi jông tsênhv tâu sir jos uô. Six hơưv đhâu, têx cơ quan T.Ư tưz sir jos sik đros phax tar nox nhiêx têz qơưk, viv li thax tsav qơư cux tsuv sir jos thiêz. Taz sik tsênhz tiês mak ntơưv qơư ho uô lok six kênhz. Têz têx lul heik no, Tổng Bí thư Nguyễn Phú Trọng heik: Zos xưk li đrav ntêx, cxuô lênhx sđ khênhr heik , pêz tsuv ntâuk sâuv trâu hâur mak nhiv no, thênhv siêz lok zos nhoz cấp T.Ư sir jos, taz sik têx thax tsav qơư tsi sir jos. Tổng Bí thư heik mênhx:

“Zos tiêk ntơưv qơư uô tsi tâu mak cấp T.Ư zuôr grêk tuôx uô, thiêz zos uô li co mak nêx têx lênhx nhoz ntơưv qơư zuôr pôngz njêx muôs. Viv li, pêz tsuv max mav uô jux juk. Chênhr li ntơư thiêx heik, uô li chas cov tas nro luz kror chuz co chis tâuk, hur tiz si sđ tsuv sik côngv tês đros uô. Zos six sơưr iz saz njiêx seiz, heik xưz mak kror no thuôv, kror tov zos zuk hâux lưv tsi lês uô hlo mak zuôr uô tsi tâu”.

          Six hơưv đhâu, ntâu txuz nox nhiêx têz qơưk, uô tuôr xuôv têx nhiêx txiêx, uô têx nuv tsi trơưk chei chiê uô muôx liv trâu zuk, trâu iz paz, trâu chuôz xênhv....uô cxâuv cêr uô nênhx, cik txos canr bôv, đảng viên taz sik cấp ủy, ủy ban qênhz yuôx, chi bộ tsi qênhz yuôx pov lok sik qênhz pov kênhz. Têx uô tsi tâu li heik sâuv muôx ntâu qir tiv, hâur co muôx hâux lưv qênhz yuôx, seiz kaz, tik cêr cxâuv đảng viên uô tsi yuô tâu jông. Chênhr li ntơư, canr bôv, đảng viên thiêz tsôngv px vav chiê siêz tiêk, tsuv tror hlôngr yiêz thiêz chuôz tsar tiês uô jông tsưr tsix cơ sở đảng luôs hâux lưv qênhz yuôx, seiz  kaz thiêz tik cêr cxâuv xưk li Đảng Đại hội đại biểu thôngz têz qơưk jiês tiv 12 tưz tso tơưv./.

(TTT-Riê Lâux cxeik, nhênhv)