Phênhv thưr 2, hnuz 2/11/2015

Đại hội Đảng bộ cấp T.Ư: iz Đảng bộ muôx ntâu lênhx zos canr bôv  pox niêv thiêz canr bôv hluôk

Seiz lax têx ntâuz ntơưr chính trị ntơưv Đại hội, cxuô đảng bộ cấp T.Ư puôr lênhx chêx tsôngk lok têx luôs hâux lưv lox đros tsênhv njiêz “ huôv tsar kinh tế zos hâux lưv chênhr, cxiv tsa Đảng zos hâux lưv zuôr trâus txos”. Chiê huôv tsar kinh tế, iz thax tsav tưz xeir têx tsưr ziv, hâux lưv uô jông chiê chêx tsôngk huôv tsar li: Kôngz nuv, công nghiệp, ju lix…. Muôx têx đảng bộ tso tơưv têx tsaz yênhx, hâux lưv uô hâur 5 shông zuôr txos li: Đảng bộ TP HCM chêx tsôngk lok luôs hâux lưv tir thêir đêx ngaz, cxiv kho thiêz huôv tsar ciêz đrôngs hur jông….Đảng bộ tỉnh Hòa  Bình chêx tsôngk lok kôngz nuv chiê muôx phênhv sâu tâu nju, tỉnh Hà Nam xav tinhv huôv tsar thax tsav qơư yênhx tsênhv qơư y tế tsơưr lươngv siêz…. Đros hâux lưv cxiv tsa đảng, cxuô thax tsav puôr lênhx zuôr Nghị quyết T.Ư 4 thiêz Chỉ thị 03 uô qơư khov chiê uô trơưk. Zơưv Mai Tiến Dũng-Bí thư Tỉnh ủy Hà Nam heik pâuz:

Băng: “Cxiv tsa Đảng zos luôs hâux lưv zuôr trâus txos. Hâux lưv cxiv tsa đảng, pêz lok six moz siêz txos uô lơưr Nghị quyết T.Ư 4 khóa 11 reik đros Bộ chính trị Chỉ thị 03. Iz chas ntơư pêz moz siêz txos hâux lưv canr bôv thiêz lênhx nênhs sơưr thơưx cấp ủy cxuô cấp. Ciês tsưr ziv, hâux lưv ntâuk grê canr bôv zos xeir lênhx nênhs car heik, car uô thiêz car taz txơưx jênhv, muôx vax huôv, tsưr ziv, pênhr xưv uô hâux lưv. Iz chas ntơư pêz sir jos xeir zuôr têx lênhx canr bôv hluôk chiê đhâu têx luôs hâux lưv uô tsênhv tsênhz pâuz tâu tsưr ziv, hâux lưv uô hâur ntu zuôr txos chiê kriê cxaz txux chi, tsưr ziv yuôr trâus cov uô tâu jông đuô têx hâux lưv zok muôz”.

Đros hâux lưv xeir zuôr lênhx nênhs uô hâux lưv, uô lơưr têx chei, cui tinhv bo xeir hâur Đảng tâu heik txos cov uô truôx, ntov jông trơưk cui tinhv jênh tsuv. Ntơưv 50 đảng bộ nhoz hâur T.Ư, seiz cxuô, phênhv ntâu tsi yuô muôx canr bôv zos pox niêv thiêz hluôk nênhs nhoz hâur BCH thiêz Ban thường vụ trơưk Chỉ thị 36-CT/T.W zoz qơưx zos tsi tsơưs đuô 15% thiêz 10%. Taz sik, hâur tsưr ziv ntơư, ho muôx têx đảng bộ uô tâu jông luôs hâux lưv no. Pir li đảng bộ tỉnh Cao Bằng, iz thax tsav nhoz tox siêz faz Bắc, bo xeir tâu 20% canr bôv zos pox niêv nhoz hâur BCH. Zơưv La Ngọc Thoáng, Tsar đoanx đại biểu côx hội tỉnh Cao Bằng heik pâuz: Hâur ntu uô ntêx, đảng bộ no cux muôx chôngz lênhx canr bôv pox niêv nhoz hâur BCH:

Băng: “ Txơưv tsênhv zos iz tox txov nhêv, nhiêx txiêx sâu tsi tâu ntâu, tsôngv box sơưr đơưk tsênhv tsi yuô tâu muôx txux chi tsưr ziv taz sik côngz xưv canr bôv, cấp ủy Đảng thiêz hâu nov thâuv tưs cux tâu moz siêz txos uô jông. Đros luôs hâux lưv uô tâu  muôx 20% canr bôv zos pox niêv nhoz hâur BCH, ntơư zos Đảng bộ hâux lưv lok six sir jos. Chiê uô tâu li no, pêz thâuv tưs tưz moz siêz txos hâux lưv kriê cxaz txux chi, tsưr ziv yuôr trâus trâu têx lênhx canr bôv txix ciês ntơưv qơư. Ciês hâur Ban thường vụ, muôx 3 hâur hur si 15 lênhx zos canr bôv pox niêv, mak ntơư zos 3 lênhx đôngx chir yiêz, lok six hluôk thiêz puôr lênhx tưz tâu hlôngr thiêz tso uô đhâu ntâu zav hâux lưv ntơưv qơư”.

Đhâu têx Đại hội Đảng bộ nhoz T.Ư, tsôngv box sơưr đơưk cux sâu jênhv ntâu lênhx hluôk nênhs car uô têx hâux lưv lox hâur cxuô thax tsav li têx đas jos, tsưr ziv paz ntơưv qơư. Tsơưs tsơưs muôx 2 lênhx canr bôv tsi tâu muôx 40 shông tâu bo uô bí thư Tỉnh ủy. Thành  phố Đà Nẵng muôx 13% ntâu canr bôv hluôk nhoz hâur BCH. Ciês ntơưv TP HCM-Iz đảng bộ lox hâur têz qơưs, hâur 4 lênhx đôngx chir tâu bo uô Phưv Bí thư Thành ủy mak muôx 2 lênhx hluôk nênhs. Chor hluôk nênhs nhoz hâur BCH Đảng bộ TP HCM zos 11% ntâu. Pos Nguyễn Thị Quyết Tâm, Phưv Bí thư Thành  ủy TP HCM heik:

Băng: “ Chiê muôx tâu têx lênhx canr bôv hluôk li no, pêz tsuv kriê txux chi, tsưr ziv uô hâux lưv, tsuv njuôk hov thiêz tsuv tso muk uô têx hâux lưv phiv liv….. Canr bôv hluôk tsuv muôx six hơưv, hnuz nhôngs hla đhâu têx ntu phiv liv, car uô ntâu zav nuv. Zos zuk tsi car tso lơưr uô têx hâux lưv li heik sâuv mak zuk ntâuk grê tsi tâu canr bôv, xeir tsi tâu têx lênhx nênhs muôx txux chi, tsưr ziv tiês tiês. Txix têx muôx tsênhz ntơư, canr bôv zuôr pâuz tâu zuk tsưr ziv, pênhr xưv, siêz xar chiê sir jos uô tiêr têx hâux  lưv zok muôz. Uô tâu li ntơư, zuk thiêx phênhz thiêz xeir tâu canr bôv lok car uô têx hâux lưv. Kror pov tsênhz yax nhoz têx lênhx canr bôv hluôk ntơưv TP HCM zos tâu choz kriê iz kro jux juk chiê uô tiêr cxuô luôs hâux lưv”.

Taz sik, lơưr Ban tsưr tsix T.Ư ntâuk grê, đhâu đại hội đảng bộ cấp T.Ư cux tsênhv yuôr iz cxiê luôs hâux lưv uô tsi tâu tsi tiêr. Yuôr iz cxiê đảng bộ tsi tâu bax uô jông tsưr ziv xeir  zuôr lênhx nênhs nhoz hâur BCH, Ban thường vụ thiêz thường trực. Đhâu sâu jênhv 48 Đảng bộ cấp T.Ư tưz đại hội txos hnuz 18/10, nhiv  no tsênhv tsi tâu muôx txâuk, yuôr 15 lênhx nhoz hâur BCH, 22 lênhx nhoz hâur Ban thường vụ. Muôx 15 lênhx txâuk hnuz nhôngs tror tso nhoz hâur BCH thiêz 3 txâuk hnuz nhôngs tror nhoz hâur Ban thường vụ taz sik tsi tâu sơưr đơưk bo xeir. Seiz lok sâuv têx muôx tsênhz no, PGS-TS Dương Trung Ý, Giám đốc-Tổng biên tập cxiv sâu, niêk uô têx ntâuz ntơưr chính trị heik:

Băng: “ Iz hâur têx qir tiv zov chênhr zos cấp ủy khóa kuz bax hâux lưv xeir zuôr lênhx tiz nênhs tsi tâu uô jông, tsi taz por trơưk tsưr ziv, cui tinhv, muôx têx tsênhv nyei, lax uô hâux lưv, phê bình thiêz chiv chir phê bình tsi tâu uô jông. Chiê khưx phưx qênhx shênhx no, pêz tsuv uô jông hâux lưv canr bôv, lar heik zos ntâuk grê canr bôv nhiv no, car uô têx hâux lưv zok muôz thiêz thiêz xeir zuôr cxaz nzir lênhx nênhs. Tiv 2, tsuv zuôr sơưr đơưk ntâu ziv chênhv, tsi tiêk hâur cấp ủy, thường vụ mak tsuv zuôr canr bôv, tsôngv px sơưr đơưk ziv chênhv”.

Hâur ntu zuôr txos no, cxuô cấp đảng bộ T.Ư tsênhv zuôr tror tsưr tsix Đại hội ntu 2015-2020. Vav chiê siêz tiêk, têx uô tsi tâu tiêr nhoz têx đại hội uô ntêx zuôr tâu khưx phưx chiê tsôngv px sơưr đơưk njênhs njôngr trâu Đại hội- Têx cấp đảng bộ li Cơ quan chox car lox yax./.

                                                    (TTT-Riê Lâux cxeik-nhênhv)