Nghị quyết TW4: Gra siêz pov tsir li pưk txux hâur cxiv tsa Đảng

Ntu đhâu, pov tsir tưz pov thiêz hêik pâuz iz cxiê lênhx cán bộ, đảng viên li ntâu kror tsik jông, nox nhiêx têz qơưk thiêz têx siêz xar tsik jông. Ntâu kror zos pov chir pov, hêik pâuz tưz tâu chor cơ quan txơưx jênhv Đảng thiêz têz qơưk sêiz shuôk, xưv lik truôx, zos chiê tir thêir thiêz kruôz kriê sơưr đơưk. Taz sik, hâur kror hâux lưv no, pov chir cux njiz tsik tsơưs têx phiv liv. Lênhx nênhs uô pov chir Phùng Sưởng, phưv Tổng biên tập pov tsir Tiền Phong hêik pâuz tiêk, tsênhv yuôr têx siêz xar tsik thôngz, tsik xar hêik txos têx kror tsik jông ntơưv iz cxiê lênhx cán bộ, công chức. Chêi hêik tsênhz mênhx ndax ndênhk tsênhv tsơưs. Chính phủ tưz muôx cuiz tênhv lok hêik luk thiêz têz pov tsir têx luk nus têx hâux lưv phiv liv, taz sik tsênhv tsênhz ntâu taz viv, tiv phaz cux tsênhv yuôr qênhx shênhx tsik xar têz têx luk nus. Ntâu kror hâux lưv pov tsir xar cov muôx tâu xor mông tsênhz, taz sik lax buôs ti tâu chiê nus ziv chênhv. Têx kror cux cav têz raz sik tsik hêik bê uô trâu têx xor mông co trâus txo grêk iz phênhv tưs:

“Xưk txuz zơưv Trịnh Xuân Thanh, đhâu ciês thâuv pov chir hêik yưv, Tổng bis thư chox kriê, ntâu cơ quan pov chir tưz hêik iz cxiê cơ quan txơưx jênhv, hâur co hêik Bội nội vụ puz pâuz tsênhz mênhx tsưr ziv txar hâux lưv uô, tso uô hâux lưv li chak taz sik lơưr tsik paz. Bộ nội vụ cux tsik tsưr tsix cơưv pov chir cungz xor mông lok kror hâux lưv hêik co…”.

Ntâu shông uô Đảng li côngz xưv qênhz yuôx, zơưv Hà Quốc Trị, Ủy ban qênhz yuôx Trung ương hêik tiêk: Ntâu kror hâux lưv cơ quan txơưx jênhv pov tsik tâu, taz sik khov muôx pov tsir, cơ quan qênhz yuôx muk qênhz yuôx sêiz kaz têx tsưr tsix Đảng thiêz đảng viên. Iz zav li txuz Trịnh Xuân Thanh xor mông cux zos txix pov tsir hêik pâuz, đhâu co Tổng bí thư chox kriê thiêz Ủy ban qênhz yuôx Trung ương piz qênhz yuôx, ntâuk gri thiêz xưv lik chor tsưr tsix Đảng, đảng viên, zơưv Hà Quốc Trị khav tênhv:

“Têx xor mông cux sik txơưr. Muôx têx xor mông zos paz zuk pâuz, muôx xor mông zos paz zuk tsưr ziv uô lok sik cuêz tênhv. Taz sik têx xor mông co xuz thơưx tsuôk zos paz nriêr pâuz qênhx shênhx thiêz đhâu xav jênhv nzir chiê cuêz tênhv kror cxâuv. Taz sik tsênhz mênhx xor mông pov chir muôx pưk txux zov chênhr”.

Chiê uô jông pưk txux tsav txênhz tir thêir muôx yưv têx siêz xar tsik jông hâur luz nênhx, pov tsir tsuv sir jos yax kriê hêik lok têx kror tsik jông chiê chor tiz nênhs, tsưr tsix jênhv pâuz tâu têx kror co, kho đuô têx kror tsik jông. Pov tsir cux cxaz chuôz sêiz kaz thiêz hêik pâuz xã hội, đros ntơư, cơ quan txơưx jênhv tir thêir nox nhiêx têz qơưk, uô tuôr xuôv…Xar uô tâu kror co, chor cơ quan txơưx jênhv tsuv cungz cxix cxuô xor mông trâu pov tsir lơưr cuiz tênhv. Uô tâu li co, pov tsir thiêx phuôx huiz tâu zuk li pưk txux sêiz kaz hâur cxiv tsa Đảng. Nênhs uô pov chir Hà Mạnh Tường, phưv Tổng biên tập pov chir quân đội hêik tiêk:

“Chiê pov chir uô jông pưk txux phax tar nox nhiêx têz qơưk tsuv muôx cxuô têx xor mông tiv zix zos têxkror phiv liv, muôx txâuk xor mông chiê muôx tsưr ziv yax kriê. Tiv oz zos sik côngv nhoz chor cơ quan pov chir, tiv zix zos têx jax sâu tir thêir tsik tiêx tuk, siêz xar tsik jông hâur luz nênhx; uô đêz đar chor jax sâu muôx ntâu pov chir pâuz zuôr jông đuô iz pov chir. Thôngx cxix muôx tsưr ziv khơưk kruôk trâu chor jax sâu li no”.

Lơưr Thứ trưởng Bộ tư pháp Phan Chí Hiếu, yax kriê lok Nghị quyết trung ương 4 khóa 12, pov tsir tsuv paz gra siêz jênhv pâuz trâu cán bộ, đảng viên thiêz pêx xênhv lok têx kror tsik jông, phiv liv txos têz qơưk, luz nênhx. Pov tsir tsuv cxaz chuôz tsav txênhz paz muôx thôngx ziv xã hội, thôngx cxix yax kriê chiê gra siêz jênhv pâuz trâu cán bộ, đảng viên.

“Hêik pâuz, yax kriê thiêz gra siêz jênhv pâuz trâu cán bộ, đảng viên thiêz pêx xênhv  paz trâu sơưr đơưk pâuz tsênhv, cxix cxuô lok pov chir li pưk txux hâur tsav txênhz paz tir thêir têx kror phiv liv, siêz xar tsik jông thiêz paz muôx thôngx ziv hâur xã hội. Cungz xor mông trâu pov chir lơưr luật pov chir chiê taz por uô tâu cxix cxuô txơưx jênhv, jênhv vưv thiêz qênhx tâu choz zok, huiz tôngv tâu ntâu cơ quan pov chir sik đros uô tir thêir têx siêz xar tsik jông muôx yưv hâur luz nênhx”.

Tsuv hêik tiêk, hâur Đảng li chor Nghị quyết, tsik tâu muôx nghị quyết tưs hêik txos pov chir li pưk txux hâur cxiv tsa Đảng ntâu thiêz tsênhz mênhx li Nghị quyết TW4 khóa 12 lok “Sir jos cxiv tsa, kho đuô Đảng, tir thêir txo grêk têx phiv liv, siêz xar lok chính trị, luz nênhx hâur Đảng”. Hâur qênhx shênhx muôx chor nênhs fêv li têx ruôr hiêv tsik tsơưs, pov tsir li pưk txux hâur paz hêik sơưr đơưk pâuz tsênhz hax zav tsuv tâu gra siêz đuô. Pov tsir tsuv phuôx huiz pưk txux uô ntêx hlo lok siêz xar, tsik chiê muôx yưv têx kror xar tsik thôngz, muôx tsik cxuô xor mông, co zuôr paz trâu chor nênhs fêv liv zôngv chiê hêik tơưv têx kror tsik muôx tsênhz, phiv liv txos têz qơưk, xã hội thiêz luz nênhx./.

                                              (TTT-Lik Thox cxêik nhênhv)