Thành phố tox siêz cxơưz tiês tsiv uô kôngz nuv njuôz, hur, truôx vênhs

          Chuôz zis niêv lâuk Lê Thị Thành nhoz phường Quyết Tiến li vax jâuz đar xar muôx 1 hecta ntiêr ar nhoz jos Màng, phường Quyết Thắng, TP Lai Châu chiê uô. Cheix tưs chos jâuz co, zuôr xar txos Tsiêz vax phênhv ntâu chos điz, jâuz poz, txir lưk suôr thiêz ntâu zav jâuz tsư kaz txơưr. Truôx siêz chos lơưr tsưr ziv hur, taz por, niêv lâuk Thành chos lơưr tsưr ziv chos jâuz hur viv li têx xiv huv kôngz nuv sâu lok puôr lênhx muôx qơư sâu zuôr ngaz tul. Chungz fênhx iz hnuz chuôz zis muôs zuôr xar 2 tạ điz, yênhx puôk luz jâuz poz…  "Jâuz phênhv ntâu zos tuz luôv tuôx zuôr ciês ntơưv vax. Zos vax muôx caz nox jâuz mak cur tsuôk yuôx sinh học, tsi uô hiêv txos đas jos, jâuz tâuv nox mak taz por"

          Cux ndar txos kôngz nuv njuôz, kôngz nuv hur, taz por trâu đas jos, HTX kôngz nuv hur T thiêz Đ Lai Châu zos qơư tâu nênhs sir zôngv lok six njênhs njôngr txos. HTX tsênhv tsoz phưz 2 hecta ntông nox txir trâur nuv VietGap, tsiv grê sâu lok siêz đuô 2-3 jiês pir đros chos lơưr tsưr ziv kuz. Txos nhiv no taz viv tưz muôx 2 xiv huv zos txir chuôz thox thiêz txir lưk jôngr tax ploz tsênhr OCOP. Pos Văn Thị Dung, giám đốc HTX pheiz kênh: " Pêz zuôv 100 phênhv puô txix qir hữu cơ. Têx zav qir no pêz jov thiêz zuôv hâur hâur pâus, zôngv Viện kôngz nuv 1 li yuôx sinh học tsoz phưz hâur yênhx luz hli chiê por vêv tsoz chos, tsi uô zênhr shar txos tsơưr lươngv thiêz lênhx nênhs li đas jos"

          TP Lai Châu muôx tas nro mênhv chêx tsêz chos zos zuôr xar 3 cxênhz 500 hecta, hâur co mênhv chêx ar kôngz nuv zos zuôr xar 2 cxênhz 800 hecta. Ar tsiv uô kôngz nuv tsơưs pir đros têx tiv phaz txơưr hâur tỉnh taz sik tsiv grê fênhx pheiz sâuv 1 hecta ar chos công nghệ siêz zos 100 tsov đeiv iz hecta/ iz shông. Tsưr ziv cxiv tsa kôngz nuv njuôz, kôngz nuv hur zos iz hâur têx tsưr ziv truôx tul lêx ntêr mak TP Lai Châu tsênhv ndar txos. Pos Dương Thị Nhài, Phưv tsar phòng kinh têr TP Lai Châu puz pâuz: "Tiv zix zos TP cxơưz tiês zôngv kôngz nuv công nghệ siêz, kôngz nuv hữu cơ thiêz đros co zos chuôz tsar côngz xưv chox kriê, ndar txos sir zôngv yuôx por vêv đrox tsuôk, gôngr phênhv uô tsoz chos hloz lox sei, njuôz jông".

          Zơưv Bùi Hữu Cam, Phưv chủ tịch UB TP Lai Châu khav tênhv, ntu đhâu tiv phaz tưz muôx ntâu chính sách cxơưz cxiz, paz têx doanh nghiệp, tsưr tsix, lênhx nênhs yưv pênhr huôv tsar têx trâur nuv zôngv công nghệ siêz, kôngz nuv hữu cơ tsiv uô thiêz sâu zuôr xiv huv, tiv zix zos xiv huv ntu bê, tơưv txênhz tâu đros têx xiv huv txơưr. "Đros kôngz nuv, thành phố xav tênhv tsuv zos kôngz nuv muôx tsơưr lươngv, zôngv KHKT thiêz ziv hnuz ziv tâu krêz đar. Lơưr co, tsoz chos tsênhv tâu xav tênhv chiê muôz siêz tsơưr lươngv co zos yuôx zêx thiêz zuôr yênhx trus hlôngr chiê tsiv uô thax tsav chos yuôx zêx tsơưr lươngv taz por, yuôx hur muôx tsiv grê kinh têr lox đuô trâu tsôngv box. Đrâuv yuôx zêx, nhiv no TP tsênhv yênhx lix thax tsav chos pax, chos mắc ka tsơưr lươngv siêz".

          TP Lai Châu li têx trâur nuv tsiv uô kôngz nuv hur, kôngz nuv hữu cơ tsênhv krêz tơưv iz tsưr ziv yiêz trâu huôv tsar KTXH nhoz tiv phaz. Kror coaz tsôngv đuô, têx trâur nuv no zuôr uô hlôngr yiêz cêr cor cav uô kôngz kuz, tsôngv box nôngx mênhx tiv phaz zuôr tâu thox cxov yênhx têx công nhân kôngz nuv, uô tsưr công nghệ txix ciês sâuv zuk liêx têz. Têx liêx têz njuôz jông gra luz cheix ntux yiêz lok txos đros thiêz siêz njênhs njôngr zuôr muôx tâu luz nênhx tsâu sor đuô./.

Thanh Thủy-Txâur Vax cxeik nhênhv