Phênhv “Tsôngv box thiêz côx hôiv” hnuz 27/7/2015:

LAI CHÂU: MUÔZ SIÊZ TSÔNGV BOX LI SIÊZ XAR, TXƠƯX JÊNHV HÂUR PHAX TAR THAZ HUÔZ, LAV PHÊV

***&***

          Xã San Thàng, TP Lai Châu muôx zuôr xar 1 cxênhz 100 ziv chuôz zis, 4 cxênhz lênhx nênhs thiêz 5 mênhx cxưx sik đros nhoz uô nênhx. No zos iz hâur 2 xã xuz thơưx nhoz tỉnh Lai Châu uô tiêr tsaz yênhx têz qơưk li qơư tsov txos lok cxiv tsa nôngx cxênhz yiêz shông 2014. Chiê tax tâu têx luôs hâux lưv Đại hội six cxiv 2010-2015 thiêz nzor uô tiêr tsaz yênhxx cxiv tsa nôngx cxênhz yiêz, Đảng bộ xã San Thàng tưz tsov lơưr tiv phaz li qênhx shênhx tsênhv tsênhz chiê chêx chôngk lênhs tov uô, muôz siêz cấp ủy, chính quyênx, têx ban, nganhx hâur xã thiêz tsôngv box sâuv thax tsav li siêz xar, txơưx jênhv. Đảng bộ xã tưz uô jông hâux lưv cxiv tsa tsưr ziv khưx phưx têx hâux lưv tsi tâu uô tâu hâur uô jênhv vưv, tiv zix zos đros thiêz côngz xưv phax tar thaz huôz, lav phêv.

          Zơưv Hoàng Chí Tình, chủ tịch UB xã San Thàng puz pâuz: Têx shôngk đhâu, xã San Thàng tưz muôx zuôr xar 60 tsaz yênhx, dưv ar, đros tas nro pênhr nhiêx zos zuôr xar 53 tỷ đeiv. Chiê uô muôx chêx cuk Nghị quyết li chinhz yênhx, cux xưk li côngz xưv phax tar thaz huôz, lav phêv, phuôx huiz têx dưv ar li chêx cuk thâuv yưv pênhr, Đảng bộ xã tưz car cheix tsôngv box li têx ntơưr pênhr cov hâur vênhv thix pâux nzir ar têz, ciêr chênhr tso tsês qênhx shênhx thaz huôz, lav phêv sâuv tas nro vênhv thix. Hâur co, chêx chôngk seiz car hâux lưv uô têx cui tênhv lok coar lik kinh têr, ar têz, têx côngz tsênhx tâu yưv pênhr, taz por uô tsênhv tsênhz cxôngx xã txos jêx jos. Zơưv Hoàng Chí Tình heik:

Băng: “ Chiê uô tiêr têx tsưr ziv đại hội tso tơưv, paz tsôngv box tror cxuôv yeiz thiv pluôs, muôz siêz phênhv sâu tâu, Đảng bộ xã tsov cưv tiv zix zos côngz xưv uô Nghị quyết TW 4, tiv zix zos côngz xưv phax tar thaz huôz, lav phêv. Hâur co, pêz xav tênhv tsuv chuôz tsar côngz xưv hluôk nênhs qênhz yuôx, seiz car cán bộ coar lik kinh têr, yưr lir têx huôx tôngv thaz huôz nox nhiêx sâuv cxuô vênhv thix lơưr pháp luật li cui tênhv”.

          Zos tỉnh li tsênhv qơư hành chính, chính trị, ciês cxôngx thâuv nhiv kruôr krêz uô, đrôngs Lai Châu tưz xav tênhv Nghị quyết TW 4 ( khóa 11) li kror coaz tsôngv hâur hâux lưv cxiv tsa Đảng bộ hur si, truôx vênhs. Chiê tax tâu têx tsưr ziv tso tơưv, Đảng bộ tưz heik kriê Nghị quyết TW 4 li 3 njiêz luv lơưr TW cux xưk li tỉnh li cui tênhv, heik kriê txos tas nro cán bôv, đảng viên nhoz 40 chi, đảng bộ thiêz tsôngv box têx mênhx cxưx sâuv thax tsav. Tập thể cấp ủy Đảng bộ thành phố tưz nriêr tơưv 19 hâux lưv tsi tâu uô tâu thiêz Ban thường vụ thành ủy tưz xav tênhv tâu 104 hâux lưv tsi tâu uô tâu chiê khưx phưx.

          Đồng chí Vương Văn Thắng, Bí thư thành ủy Lai Châu puz pâuz: Viv zos đrôngs tsênhv hâur six hơưv cxiv tsa viv li six hơưv đhâu tưz muôx yênhx puôk côngz trênhx tâu yưv pênhr, đros tas nro pênhr zos yênhx cxênhz tỷ đeiv. Viv li, côngz xưv phax tar thaz huôz, lav phêv lơưr zơưv côngz Hôx li siêz xar thâuv tưs cux tâu Đảng bộ thành phố muôz siêz uô. Chiê txu grês qênhx shênhx lav phêv têz qơưk li pênhr yưv uô, Đảng bộ tưz chox kriê têx chi, đảng bộ cxơưz tiês côngz xưv yax mông Luật phax tar thaz huôz, tiv zix zos tỉnh, thành phố li tsưr ziv phax tar thaz huôz. Cxôngx hâur shôngk shông txos nhiv no, đảng bộ tưz tir tar tâu ntâu txuz uô cxâuv, thiêz yưr lir tsi puz nhoz hâur Đảng iz cxiê lênhx nênhs, tsi puz uô nov iz lênhx nênhs. Đ/c Vương Văn Thắng, bí thư thành uỷ  Lai Châu heik:

Băng: “ hâur six hơưv zuôr txos, pêz tror heik kriê Nghị quyết TW 4 cux xưk li chinhz yênhx chiv thị 03 lok uô trơưk zơưv côngz Hôx li siêz xar, tiv zix zos Luật phax tar thaz huôz thiêz lav phêv, Đảng thiêz têz qơưk li têx cui tênhv lok têx mak đảng viên tsi tâu uô. Thôngx cxix, chuôz tsar cxơưz tiês côngz xưv qênhz yuôx, seiz car haux lưv uô têz qơưk li têx cui tênhv; uô têx tsaz yênhx, tsưr ziv phuôv tsar kinh têr, xã hội cux xưk li têx côngz tsênhx cxiv tsa sâuv thax tsav”.

          Hâux lưv uô lơưr nghị quyết TW 4 ( khoá 11) lok iz cxiê vênhv thix zuôr trâus hâur cxiv tsa Đảng nhiv no, reik đros côngz xưv phax tar thaz huôz, lav phêv lơưr zơưv côngz Hôx li siêz xar tưz tâu Đảng bộ TP Lai Châu heik kriê jông txos cán bộ, đảng viên thiêz tsôngv box têx mênhx cxưx sâu thax tsav, gôngr phênhv muôz siêz tsôngv box li siêz xar, txơưx jênhv hâur phax tar thaz huôz, lav phêv./.

( Khắc Kiên- Txâur Vax cxeik nhênhv)