Ntông yuôx zêx sha tuyết lâuk

Suối Giàng zos iz luz xã tox siêz ntơưv huyện Văn Chấn,tỉnh Yên Bái, nhoz siêz 1.300-1.400  thiêr pir li niêv đêx hiêr. Thax tsav qơư co, muôx tox trôngz câuv har jông jav, pok huôz niêz hâur yênhx shông thiêz muôx chuô lax nziês hâur 4 luz chêix, muôx chôngz lênhx kruô nhiêv tuôx sêiz shuôk têz qơưs txos.

Ntông yuôx zêx sha tuyết hâur thax tsav xã đar muôx 400 ha; hâur ntơư muôx 300 ha nưk tuôx nưk; phênhv ntâu zos nhoz trâu chor jos pêv tox, jos B, Pang Cáng…4 vav tsoz ntông yuôx zêx sha tuyết co, muôx iz cxiê tưz chos tâu 100-300 shông. Yuôx zêx sha tuyết Suối Giàng thâuv ntêx thiêz nhiv no tưz tâu xêir tsov zos zav yuôx zêx jông tiv iz, grê muôs iz cir txix iz triệu txos yênhx châuv triệu nhiêx. Chor ntông yuôx zêx sha tuyết no, iz shông tâu sâu đê blôngx njik yuôx zêx 3 jiês. Thâuv txos chêix sâu, tsôngv px sđ tsuv tâu ndê muk đê blôngx njik yuôx zêx sâuv tsoz ntông co. Tus muôv Mai x Zax nhoz thax tsav qơư co shir phaz lul hêik pâuz: “Thâuv ciz chor blôngx njik yuôx zêx co, tsuv ndo njôngr đo cov huv đros thiêz trâur tơưk chis cov tov thơưx thiêx tsik uô chor blôngx njik yuôx zêx co trâus njôngs, puôk tsuôx”

Hâur oz pêz shông đhâu lok no, Xã Suối Giàng tưz cxiv uô qơư tsês trâu tsôngv kruô tuôx sêiz shuôk têz qơưs so thiêz hâuk tsôngv px têx cuô đêx yuôx zêx sha tuyết thiêz tsênhv tâu đros tsôngv px Hmôngz hâur thax tsav nthuôr uô cêr lov jêv, đhiê pax vuôs. Như Quỳnh, muôx 20 ntâu shông, zos iz lênhx tsâu đêx tok tsôngv kruô shir phaz lul hêik: “Tsâu yuôx zêx cux zov chênhr cơưs, zos đêx tsâu yuôx zêx cuz đhâu, cux uô trâu chor cuô đêx yuôx zêx co tsik yuô jông trâu đas jos. Chênhr zos li hêik ntơư, đêx tsâu yuôx zêx, tsuv râuz bâu cov huv đros, chor đêx cuô yuôx zêx co thiêx muôx liv trâu lênhx nênhs hâuk li đas jos”

Nhac sáo Mông………………….

Blôngx njik yuôx zêx Suối Giàng, hâuk kaz zos thax tsav qơư co muôx hâur đêx cxơưr ntưk lok đhâu. Zơưv Đặng Thái Sơn sêiz car qar qơư  tsâu đêx yuôx zêx Suối Giàng tok tsôngv kruô shir phaz lul hêik pâuz: “Zav yuôx zêx huv đros trâu cxuô lênhx sđ hâuk, txơưv lênhx nênhs tưs cux hâuk tâu. Chor txir nênhs nhiêv hâuk zav blôngx njik yuôx zêx ciz; chor pox niêv ho nhiêv hâuk chor cuô đêx yuôx zêx mêx njik pluôk”

Nhạc sáo Mông………..

Chêix ntux yiêz lok, sâu trôngz Suối Giàng, pok huôz niêz, muôx ntux no njiv đuô hâur ntu đhâu. Zos tsôngv kruô tuôx ndis shuôk txos, thax tsav qơư co cux huv đros tsôngv kruô sđ siêz nhiêv./.

                                                 (Tsu cxêik nhênhv-Đinh Tuấn)