Chêix gox ndis uô si hâur pak đêx đas ntơưv Quỳnh Nhai

       Txix tus qox Pá Uôn, chêix gox ndis uô si hâur pak đêx đas, zos luz chêix đêx pur jông jav. Đhâu 3 luz hli, pak đêx đas ntơưv huyện Quỳnh Nhai tưz pur, uô blêiv đêx lêiv txiêk, ziv uô trâu têx tox trôngz câuv har ziv jông jav đuô. Pak đêx đas đar 10.500 ha đros trâu têx trôngz poz hiêr lox zâu, zos qơư cxơưz cxiz chôngz lênhx kruô tuôx ndis uô si, sêiz shuôk txos. Zơưv Trần Thanh Liêm nhoz đrôngl Sơn La shir phaz lul hêi pâuz:

       Sêiz pov thax tsav qơư Quỳnh Nhai jông jav hênhr, lar hêik zos tsôngv px huyện Quỳnh Nhai sưv đros tsôngv kruô siêz nhiêv. Cxuô qơư tsiv uô cxuô zav nox nhoz thax tsav qơư co ziv hnuz ziv uô huv đros tsôngv kruô siêz nhiêv.

        Đhâu 30 ntâu phênhz chêix gox muk ndis uô si sâuv poz hiêr Đà Giang, sêiz pov cxuô zav hâur thax tsav pak đêx co jông jav. Txix têx poz hiêr, tsôngv kruô tưz tâu sêiz pov cxuô poz hiêr lox zâu đros trâu têx qơư tu zus njêk, qơư tsiv uô cxuô zav nox huv đros siêz nhiêv. Zơưv Điêu Đức Trọng, Phưv Giám đốc Công ty sêiz car qơư ndis uô si Quỳnh Nhai hêik pâuz:

       Uô jông cxuô luôs hâux lưv tok Tsiêz shông 2024, pêz tưz tso tơưv luôs hâux lưv uô cov tok tâu chôngz lênhx kruô tuôx ndis shuôk txos.

        Quỳnh Nhai, sêiz shuôk pak đêx Uy Phong, poz hiêr Đà Giang... Peez tsênhv zuôr cxiv kho đuô yiêz iz cxiê qơư cov jông jav chiê tsôngv kruô tuôx cxêik đuô uô si. Pir li sâuv poz hiêr Đà Giang cux muôx qơư chos pax, uô trâu tsôngv kruô nhiêv tuôx sêiz shuôk, ndis uô si.

        Pak đêx lox đar, jông jav, zos qơư uô trâu tsôngv kruô nhiêv tuôx ndis uô si, sêiz shuôk txos Quỳnh Nhai; ntơư cux zos 8.400 ntâu ziv chuôz zis  PX qơư nhoz đrav ntêx, yêik muk nhoz trâu qơư yiêz, tsês qơư kuz co cxiv uô tsêr máy tênhv tênhz Sơn La. Thâuv tror kaz muk sêiz shuôk txos thax tsav qơư kuz co, pos Lò Thị Mãi, nhoz xã Cà Nàng, huyện Quỳnh Nhai hêik pâuz nzir:

       Cur xênhz zus thiêz hloz lox nhoz Quỳnh Nhai, cur chuôz zis zos iz hâur chor chuôz zis tsuv yêik muk nhoz trâu qơư yiêz, tsês qơư nhoz kuz chiê cxiv uô tsêr máy tênhv tênhz Sơn La. Nhiv no, tror tuôx sêiz shuôk txos qơư nhoz kuz đrav ntêx, cur cux shir phaz hênhr, viv têx qơư nhoz đrav ntêx, nhiv no tsuôk sêiz pov pak đêx jông jav, muôx chôngz lênhx kruô tuôx sêiz shuôk. Cur xar tiêk, thax tsav qơư co, zuôr zos qơư jông jav, muôx chôngz lênhx kruô tuôx ndis uô si, sêiz shuôk huv đros zuk hêir nênhs ntơưv qơư têx txux chi, vênhx huôv jông.

         Txix hli 9 shông uô ntêx txos trâu hli 4 shông tov kaz, zos ntu pak đêx đas pur, cux zos ntu kriz cxuô ntênhk hội hêik lok huôv tsar qơư ndis uô si, vênhx huôv trâu ntơưv Quỳnh Nhai: Co zos kriz ntênhk hội tưr gruôv gox sâuv niêv đêx đas, ntênhk hội tsôngv pox niêv, vir ndâuk hêir nênhs poz ziz Quỳnh Nhai jơưr plâuz hâu…Pos Điêu Thị Nhất, Tsar phôngx vênhx huôv huyện Quỳnh Nhai, Sơn La hêik pâuz:

       Pêz xav tênhv tsiv uô cxuô zav hax huv du lix tsuv jông txơưr tsik siz thôngx thiêz zos đrêiv hêir nênhs poz ziz nhoz trơưk ntus đêx Quỳnh Nhai, txuôk đros têx txux chi, vênhx huôv jông cxôngx nzor thiêz muôz pênhr nhiêx tsiv uô vax tsêr, cxiv kho cxuô qơư ndis uô si huv đros tsôngv kruô siêz nhiêv cov ziv hnuz ziv muôx chôngz lênhx kruô hâur têz qơưs thiêz kruô oz chas têz qơưs tuôx sêiz shuôk txos./.

                                         Tsu cxêik nhênhv-Lê Hạnh- VOV Tây Bắc