Zơưv Cư Seo Vần huôv tsar uô nox txix chos tsoz chos ntông nox txir thiêz tu zus buô

         Cê uô cê cơưv shâuv, vax txir ntông zos têx txir juôx lok zos txir Lê Tai Nung thiêz txir khơưz Tả Van, muôxphênhv sâu truôx tuk trâu zơưv Cư Seo Vần chuôz zis nhoz jok Lao Chải, xã Quan Hồ Thẩn, huyện Si Ma Cai tâu 10 shông lok no.  Zơưv cux zos lênhx nênhs xuz thơưx hâur xã Quan Hồ Thẩn uô ntêx nyuôs hlôngr yiêz zuz nôngz tsoz chos, tsiêx tu zus, uô trơưk têx tsưr ziv fuô kriê viv li vax txir ntông shông tưs cux txi txir ndư, sâu đê tâu nju. Zơưv Vần heik: “Tsưr ziv tsoz phưz zos tsuv max mav tu, tsi so qênhz shuôs seiz pok muôx caz hmoz tho nox uô ruôr hiêv chiê zok nriêr tsưr ziv tir thêir, phax tuô. Niêx shông cux tsuv txiêr yiz têx chês, txir tsi jông gâux por tsês, zuk uô uô ntêx chiê tsôngv niêv txir cưr tix nênhx tsa sơưr đơưk cơưv shâuv, uô trơưk”.

            Pâuz tâu hâur ciêz đrôngs thâuv lênhx nênhs sir zôngv khênhr nhiêv zuôr txos têx xiv huv ntơưv qơư, zơưv Vần tưz chos têx tsoz chos nox txir đros trâu huôv tsar tu zus buô njuôz hâur thax tsav, keiz ok. Iz shông muôs hâur ciêz đrôngs muôx 5 tênhr ntâu txir juôx thiêz txir khơưz, đros trâu têx tsiêx tu zus, sâu tâu liv muôx 200 tsov đeiv ntâu.

Nhạc cắt

          Tsi tiêk uô nox uô hâuk coz, zơưv Vần tsênhv sir jos paz kriê tsưr ziv chos, tu têx tsoz chos ntông nox txir thiêz tsiêx cxu trâu tsôngv box hâur jok, hâur xã, cxaz chuôz têx phôngz yaox sik tưr uô nuv jông ntơưv qơư.

         Zơưv Hoàng Seo Chư, Chủ tịch Hội nôngx mênhx xã Quan Hồ Thẩn, huyện Si Ma Cai heik pâuz: “Iz chas huôv tsar kinh tế ziv chuôz zis, zơưv cux lok six moz siêz đros Hội Nông mênhx xã uô cxuô luôs hâux lưv, cxaz chuôz têx phôngz yaox cxiv tsa jêx jok yiêz, zơưv thâuv tưs tưz zos lênhx nênhs uô ntêx nyuôs hâur cxuô cêr nuv”.

         Txix zơưv Vần tsưr ziv uô, phôngz yaox pêx xênhv sik tưr uô nox uô hâuk, lax luôv coz nhoz xã Quan Hồ Thẩn ziv hnuz ziv nthuôr đêz đar, ntâu chuôz zis tsôngv box muôx phênhv sâu tâu yênhx puô tsov đeiv iz shông. Zơưv Hà Đức Sơn, Phưv Chủ tịch Hội Nôngx mênhx huyện Si Ma Cai heik pâuz nzir: “Pêx xênhv li phôngz yaox sik tưr uô nox, lax luôv coz li pưs txux lok six zov chênhr. Đhâu phôngz yaox no, tưz muôx ntâu tus chôngz lênhx uô tâu trơưk têk, cxơưz huôv tsar kinh tế, cxuz cêr yeiz pluôs, paz têx lênhx pêx xênhv hâur tas nro huyện muôx luz nênhx tsâu sor, vav mênhx”.

          Đros thiêz suôz bê pêx xênhv uô nox uô hâuk coz cấp huyện, zơưv Cư Seo Vần tsênhv kriê tsưr ziv uô nox, cxơưz đas jos trâu ntâu chuôz zis tsôngv box, paz hlôngr yiêz luz nênhx nhoz tox siêz Si Ma Cai.

Nhạc cắt

           Phênhv “nôngx mênhx zuôr tsuv pâuz” hnuz no tsuôk muôx li no xưz. Phênhv no zos Đeix TNVN nhoz iz suôv faz Tây Bắc uô. Thiêz muôx tsênhv qơư cxiz kôngz têz qơưk paz./.

Thào Ly BT-Riê Lâux cxeik, nhênhv